എസ് പി ഓഫീസ് മാര്‍ച്ച് : ബി ജെ പി നേതാക്കളടക്കം 1000 പേര്‍ക്കെതിരെ കേസ്

കാസര്‍കോട്: ജില്ലാ പോലീസ് ആസ്ഥാനത്തേക്ക് അനുമതിയില്ലാതെ മാര്‍ച് നടത്തുകയും റോഡ് തടസപ്പെടുത്തുകയും ചെയ്തതിന് ബി.ജെ.പി-വിശ്വ ഹിന്ദു പരിഷത്ത് നേതാക്കളുള്‍പെടെ ആയിരം പേര്‍ക്കെതിരെ ടൗണ്‍ പോലീസ് കേസെടുത്തു.
വിശ്വ ഹിന്ദു പരിഷത്ത് ജില്ലാ പ്രസിഡന്റ് അങ്കാര ശ്രീപാദ, ബി.ജെ.പി സംസ്ഥാന ജനറല്‍ സെക്രട്ടറി കെ. സുരേന്ദ്രന്‍, ജില്ലാ ജനറല്‍ സെക്രട്ടറി കെ. ശ്രീകാന്ത്, ബി.എം.എസ് സംസ്ഥാന സെക്രട്ടറി പി. മുരളീധരന്‍, ഹിന്ദു ഐക്യവേദി സംസ്ഥാന വൈസ് പ്രസിഡന്റ് കുണ്ടാര്‍ രവീശതന്ത്രി തുടങ്ങിയ ആയിരം പേര്‍ക്കെതിരെയാണ് കേസ്.
തിങ്കളാഴ്ച രാവിലെയാണ് ജില്ലാ പോലീസ് ആസ്ഥാനത്തേക്ക് സംഘപരിവാര്‍ സംഘടനകളുടെ നേതൃത്വത്തില്‍ മാര്‍ച് നടത്തിയത്. പോലീസിന്റെയും ഭരണകൂടത്തിന്റയും നീതി നിഷേധത്തിനെതിരായും തുല്യ നീതി ഉറപ്പാക്കണമെന്നും ആവശ്യപ്പെട്ടായിരുന്നു മാര്‍ച്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News,