വിടവാങ്ങല്‍ ദിനത്തിലെ വിദ്യാര്‍ത്ഥി സംഘട്ടനം; 15 പേര്‍ക്കെതിരെ കേസ്‌

കാഞ്ഞങ്ങാട്: എസ് എസ് എല്‍ സി പരീക്ഷ കഴിഞ്ഞുള്ള വിടവാങ്ങല്‍ ദിനത്തില്‍ സ്‌കൂള്‍ വിദ്യാര്‍ത്ഥികള്‍ തമ്മിലുണ്ടായ സംഘട്ടനവുമായി ബന്ധപ്പെട്ട് ഇരുവിഭാഗങ്ങളിലുമായി പതിനഞ്ച് പേര്‍ക്കെതിരെ ഹൊസ്ദുര്‍ഗ് പോലീസ് കേസെടുത്തു. കാഞ്ഞങ്ങാട് ദുര്‍ഗാഹയര്‍സെക്കണ്ടറി സ്‌കൂളിലെ പത്താംതരം വിദ്യാര്‍ത്ഥികളായ കാഞ്ഞങ്ങാട് ദേവന്‍ റോഡിലെ പി മഹേഷ് (15), ആറങ്ങാടി കണിയാംവളപ്പിലെ ബി കെ അജ്മല്‍ (16) എന്നിവര്‍ക്ക് സംഘട്ടനത്തില്‍ പരിക്കേറ്റ സംഭവത്തിലാണ് ഹൊസ്ദുര്‍ഗ് പോലീസ് രണ്ട് കേസുകള്‍ രജിസ്റ്റര്‍ ചെയ്തത്. മഹേഷിന്റെ പരാതി പ്രകാരം അജ്മല്‍, ഷാഹിദ്, റഹീം, സിനാന്‍, മുനവീര്‍, ഫൈറൂസ്, ഫായിസ് എന്നിവര്‍ക്കെതിരെയും അജ്മലിന്റെ പരാതിയില്‍ മഹേഷ്, അഖില്‍, സോനിഷ്, കണ്ടാലറിയാവുന്ന അഞ്ച് പേര്‍ എന്നിവര്‍ക്കെതിരെയുമാണ് കേസ്. കഴിഞ്ഞ ദിവസം വൈകുന്നേരം 3.30 മണിയോടെ ദുര്‍ഗാ സ്‌കൂളിന് സമീപത്തുള്ള മാസ്റ്റര്‍ ട്യൂഷന്‍ സെന്ററിനടുത്താണ് വിദ്യാര്‍ത്ഥികള്‍ തമ്മില്‍ സംഘട്ടനമുണ്ടായത്. ബയോളജി പരീക്ഷ കഴിഞ്ഞ് സ്‌കൂളില്‍ നിന്നും ഇറങ്ങി വീട്ടിലേക്ക് നടന്നുപോകുന്നതിനിടയില്‍ അജ്മലിന്റെ നേതൃത്വത്തിലുള്ള ഒരു സംഘം വിദ്യാര്‍ത്ഥികള്‍ ഇടിക്കട്ട കൊണ്ട് അടിക്കുകയായിരുന്നുവെന്ന് മഹേഷ് പോലീസില്‍ നല്‍കിയ പരാതിയില്‍ ബോധിപ്പിച്ചു. ബയോളജി പരീക്ഷ കഴിഞ്ഞ് പോകുമ്പോള്‍ അഖിലിന്റെ നേതൃത്വത്തിലുള്ള വിദ്യാര്‍ത്ഥികള്‍ തടഞ്ഞുനിര്‍ത്തി വടികൊണ്ടടിച്ച് പരിക്കേല്‍പ്പിക്കുകയായിരുന്നുവെന്ന് അജ്മലിന്റെ പരാതിയിലും വ്യക്തമാക്കിയിട്ടുണ്ട്. സ്‌കൂളില്‍ ഇതിനു മുമ്പുണ്ടായ വിദ്യാര്‍ത്ഥി സംഘര്‍ഷത്തിന്റെ തുടര്‍ച്ചയാണ് കഴിഞ്ഞ ദിവസമുണ്ടായ സംഘട്ടനം.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News