എസ് കെ എസ് എസ് എഫ് പത്താം വാര്‍ഷിക സമ്മേളനം വെളളിയാഴ്ച തുടങ്ങും

മാസ്തിക്കുണ്ട്: എസ് കെ എസ് എസ് എഫ് മാസ്തിക്കുണ്ട് യൂണിറ്റിന്റെ പത്താം വാര്‍ഷികത്തോടനുബന്ധിച്ച് നടത്തപ്പെടുന്ന ത്രിദിന മതപ്രഭാഷണ പരമ്പരക്ക് വെളളിയാഴ്ച തുടക്കം കുറിക്കും. ജുമുഅ നമസ്‌കാരനന്തരം സ്വാഗതസംഘം ചെയര്‍മാന്‍ ഹനീഫ് പൈക്ക പതാക ഉയര്‍ത്തും. മഗ്‌രിബ് നിസ്‌കാരനന്തരം എസ് വൈ എസ് ജില്ലാ ജനറല്‍ സെക്രട്ടറി എം എസ് തങ്ങള്‍ മദനിയുടെ അദ്ധ്യക്ഷതയില്‍ ചെമ്പരിക്ക-മംഗലാപുരം സംയുക്ത ജമാഅത്ത് ഖാസി ത്വാഖാ അഹ്മദ് മുസ്‌ലിയാര്‍ ഉദ്ഘാടനം ചെയ്യും. പ്രമുഖ മതപ്രഭാഷകന്‍ സലീം ഫൈസി ഇര്‍ഫാനി സുന്നത്ത് ജമാഅത്ത് എന്ന വിഷയത്തില്‍ എല്‍ സി ഡി ക്ലിപ്പിംഗ് സഹിതം പ്രഭാഷണം നടത്തും.
പ്രഭാഷണ പരമ്പരയുടെ രണ്ടാം ദിവസമായ 23-03-2013 ശനി മഗ്‌രിബ് നിസ്‌കാരനന്തരം സുപ്രസിദ്ധ പ്രഭാഷകന്‍ ശമീര്‍ ദാരിമി കൊല്ലം മനുഷ്യന്റെ കുതിപ്പും മലക്കുല്‍ മൗത്തിന്റെ വരവും എന്ന വിഷയത്തില്‍ പ്രഭാഷണം നടത്തുന്നു.
സമാപന ദിവസമായ 24-03-2013 ഞായര്‍ മഗ്‌രിബ് നിസ്‌കാരനന്തരം മാസ്തിക്കുണ്ട് ജമാഅത്ത് പ്രസിഡന്റ് കെ പി കെ തങ്ങളുടെ അദ്ധ്യക്ഷതയില്‍ എസ് കെ എസ് എസ് എഫ് സംസ്ഥാന പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. തുടര്‍ന്ന് പ്രമുഖ പ്രഭാഷകന്‍ എസ് വൈ എസ് സംസ്ഥാന സെക്രട്ടറി അബ്ദുസ്സമദ് പൂക്കോട്ടൂര്‍ മുഖ്യപ്രഭാഷണം നടത്തുന്നു. സമസ്ത ജില്ലാ ജനറല്‍ സെക്രട്ടറി യു എം അബ്ദുല്‍ റഹിമാന്‍ മുസ്‌ലിയാര്‍, എം എസ് തങ്ങള്‍ മദനി, ചെര്‍ക്കളം അബ്ദുല്ല സാഹിബ്, പി ബി അബ്ദുല്‍ റസാഖ് എം എല്‍ എ, മെട്രോ മുഹമ്മദ് ഹാജി, കെ പി പി തങ്ങള്‍, എ ബി ശാഫി, എ ബി കലാം, കെ ബി മുഹമ്മദ് കുഞ്ഞി, ബി അബ്ദുല്‍ റഹിമാന്‍ ഹാജി ബോവിക്കാനം, എം കെ അബ്ദുല്‍ റഹിമാന്‍ ചൂരിമൂല തുടങ്ങിയവര്‍ പങ്കെടുക്കും. വെള്ളി, ശനി, ഞായര്‍ ദിവസങ്ങളില്‍ യഥാക്രമം ക്ലസ്റ്റര്‍, മേഖല, ജില്ലാ ഭാരവാഹികള്‍ക്ക് സ്വീകരണം നല്‍കുന്നതായിരിക്കും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News