പ്രതിയുടെ അടുക്കളയിലെത്തിയ കുട്ടിക്ക് കളിക്കോപ്പ് നല്കി വശീകരിച്ചായിരുന്നു പീഡനം. 14ന് ജോലി സ്ഥലത്തുനിന്നാണ് കുറ്റവാളിയെ അറസ്റ്റ് ചെയ്തത്. പ്രായപൂര്ത്തിയാവാത്ത കുട്ടികളെ പീഡിപ്പിക്കുന്നത് ഗൌരവമേറിയ കുറ്റകൃത്യമായി കാണുമെന്നും കുറ്റവാളികളെ മാതൃകാപരമായി ശിക്ഷിക്കുമെന്നും യുഎഇ ഉപ പ്രധാനമന്ത്രിയുടെയും ആഭ്യന്തരമന്ത്രിയുടെയും ഓഫിസ് സെക്രട്ടറി ജനറലും ആഭ്യന്തരമന്ത്രാലയം ശിശു സംരക്ഷണ വിഭാഗം ഉന്നതാധികാര കമ്മിറ്റി ചെയര്മാനുമായ മേജര് ജനറല് നാസര് ലഖ്റെബാനി അല് നുഐമി വ്യക്തമാക്കി.
സാമൂഹികവും സദാചാരപരവുമായ മര്യാദകള്ക്കും ശിശുസംരക്ഷണത്തിനും വിരുദ്ധമായ മൃഗീയ നിലപാടുകള് അംഗീകരിക്കാനാവില്ലെന്നും ഇത്തരം കുറ്റകൃത്യങ്ങള് ആവര്ത്തിക്കാതിരിക്കാനുള്ള നടപടി കൈക്കൊള്ളുമെന്നും അദ്ദേഹം പറഞ്ഞു. കുട്ടികളെ എപ്പോഴും നിരീക്ഷിക്കുകയും അവരുടെ സുരക്ഷ ഉറപ്പാക്കുന്നതില് കൂടുതല് ജാഗ്രത വേണമെന്നും രക്ഷിതാക്കളെയും സ്കൂള് അധികൃതരെയും പൊലീസ് ഓര്മിപ്പിച്ചു. ഇത്തരം സാഹചര്യങ്ങളെ അതിജീവിക്കാനുള്ള മുന്നറിയിപ്പ് കുടുംബങ്ങളില് നല്കാന് രക്ഷിതാക്കള് ശ്രമിക്കണം. കുട്ടികള് നേരിടാവുന്ന അപകടാവസ്ഥയെക്കുറിച്ച് ശരിയായ മുന്നറിയിപ്പും കരുതല് നടപടികളും ഉറപ്പാക്കാന് കഴിയുക കുടുംബങ്ങളില്നിന്നാണെന്നും അധികൃതര് ചൂണ്ടിക്കാട്ടി.
Keywords: Gulf, UAE, Rape,
No comments:
Post a Comment