സ്വര്‍ണവില വീണ്ടും കുറഞ്ഞു; പവന് 19480 രൂപ

കൊച്ചി: സ്വര്‍ണത്തിന്റെ വിലയിടിവ് തുടരുന്നു. വ്യാഴാഴ്ച ഗ്രാമിന് 40 രൂപയും പവന് 320 രൂപയുമാണ് കുറഞ്ഞത്. പവന് 19480 രൂപയും ഗ്രാമിന് 2435 രൂപയുമാണ് വില. ആഗോളവിപണിയില്‍ കഴിഞ്ഞ ദിവസം സ്വര്‍ണവില അല്പം കൂടിയെങ്കിലും രൂപ കരുത്താര്‍ജ്ജിച്ചതിനാല്‍ ഇന്ത്യയില്‍ സ്വര്‍ണവില മാറ്റമില്ലാതെ തുടര്‍ന്നിരുന്നു.
എന്നാല്‍ ബുധനാഴ്ച വൈകിട്ടോടെ ഔണ്‍സിന്(31.1ഗ്രാം) പതിനഞ്ചു ഡോളറോളം ആഗോളവിപണിയില്‍ വിലയിടിഞ്ഞു. ഇതേത്തുടര്‍ന്നാണ് ഇവിടെയും വില കുറഞ്ഞത്. ഒരു ഔണ്‍സിന് 1364 ഡോളറാണ് ആഗോളവിപണിയിലെ ഇപ്പോഴത്തെ വില. ഈ നില തുടര്‍ന്നാല്‍ വില ഇനിയും കുറയുമെന്നാണ് നിരീക്ഷകരുടെ കണക്കുകൂട്ടല്‍ എന്നാല്‍ ഓഹരിവിപണിയില്‍ തകര്‍ച്ചയുണ്ടായാല്‍ സ്വര്‍ണവില തിരിച്ചുകയറാന്‍ സാധ്യതയുണ്ടെന്നും നിരീക്ഷകര്‍ പറയുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News