ബോംബ് സ്‌ഫോടനം; ഇറാഖില്‍ 22 പേര്‍ കൊല്ലപ്പെട്ടു

ബാഗ്ദാദ്: ഇറാഖിലെ കിഴക്കന്‍ പ്രദേശമായ ബാക്കുബയില്‍ രാഷ്ട്രീയ റാലിക്കുനേരെയുള്ള ബോംബ് സ്‌ഫോടനത്തില്‍ 22 പേര്‍ കൊല്ലപ്പെടുകയും 50ലധികം പേര്‍ക്ക് പരിക്കേല്‍ക്കുകയും ചെയ്തു. സുന്നി സ്ഥാനാര്‍ത്ഥി മുത്താന അല്‍ ജൗറാനിയുടെ തിരഞ്ഞെടുപ്പ് റാലിക്കു നേരെ ഒരാള്‍ ഗ്രാനേഡ് എറിയുകയും പിന്നീട് ചാവേര്‍ സ്വയം പൊട്ടിത്തെറിക്കുകയുമായിരുന്നുവെന്ന് പൊലീസും ആശുപത്രി വൃത്തങ്ങളും വ്യക്തമാക്കി. സ്ഥാനാര്‍ത്ഥിക്ക് പരിക്ക് പറ്റിയിട്ടുണ്ടോ എന്ന് വ്യക്തമല്ല. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. ഇറാഖില്‍ കൂടുതല്‍ ആക്രമങ്ങള്‍ നടക്കുന്ന പ്രദേശം കൂടിയാണ് ബുക്കാബ.