കേരളയാത്രയ്ക്ക് മുസ്‌ലിം ലീഗ് പ്രവര്‍ത്തകരുടെ സ്‌നേഹാഭിവാദ്യങ്ങള്‍

കാസര്‍കോട്: സമൃദ്ധകേരളം സുരക്ഷിത കേരള എന്ന മുദ്രാവാക്യവുമായി കെ.പി.സി.സി പ്രസിഡണ്ട് രമേശ് ചെന്നിത്തല നയിക്കുന്ന കേരളയാത്രയ്ക്ക് കാസര്‍കോട്ടും ചട്ടഞ്ചാലിലും മുസ്‌ലിം ലീഗ് പ്രവര്‍ത്തകര്‍ സ്‌നേഹോഷ്മളമായ വരവേല്‍പ്പ് നല്‍കി. മുസ്‌ലിം ലീഗ് കാസര്‍കോട്, ഉദുമ മണ്ഡലം കമ്മിറ്റിയുടെ നേതൃത്വത്തിലായിരുന്നു അഭിവാദ്യം അര്‍പ്പിച്ചത്. ഹൊസങ്കടയില്‍ നിന്ന് പുറപ്പെട്ട യാത്രയടുടെ സമാപന വേദിയായ പുതിയ ബസ് സ്റ്റാന്റിന് സമീപത്താണ് നേതാക്കളും പ്രവര്‍ത്തകരുമടങ്ങിയ നൂറുകണക്കിന് പ്രവര്‍ത്തകര്‍ ജാഥനായകന് അഭിവാദ്യം അര്‍പ്പിച്ച് സ്‌നേഹം ചൊരിഞ്ഞത്.
ലീഗ് പ്രവര്‍ത്തകരുടെ ആവേശതിമിര്‍പ്പ് കണ്ടപ്പോള്‍ വാഹനത്തില്‍ നിന്ന് ഇറങ്ങിവന്ന ചെന്നിത്തല കൈകൊടുത്ത് അഭിവാദ്യത്തെ ഹൃദയത്തിലേക്ക് സ്വീകരിച്ചു.
മുസ്‌ലിം ലീഗ് സംസ്ഥാന പ്രവര്‍ത്തക സമിതി അംഗം ടി.ഇ.അബ്ദുല്ല, ജില്ലാ ട്രഷറര്‍ എ.അബ്ദുല്‍ റഹ്മാന്‍, ചെങ്കള ഗ്രാമപഞ്ചായത്ത് പ്രസിഡണ്ട് സി.എച്ച്.മുഹമ്മദ് കുഞ്ഞി ചായിന്റടി, മുസ്‌ലിം ലീഗ് മണ്ഡലം ജനറല്‍ സെക്രട്ടറി എ.എ.ജലീല്‍, ഹാഷിം കടവത്ത്, യൂത്ത്‌ലീഗ് ജില്ലാ പ്രസിഡണ്ട് മൊയ്തീന്‍ കൊല്ലമ്പാടി, യൂത്ത് ലീഗ് മണ്ഡലം പ്രസിഡണ്ട് ഹമീദ് ബെദിര,ബി.ടി.അബ്ദുല്ലക്കുഞ്ഞി, മുസ്‌ലിം ലീഗ് ചെങ്കള പഞ്ചായത്ത് പ്രസിഡണ്ട് ബി.കെ.അബ്ദുസമദ്, കെ.എം.ബഷീര്‍, ബി.എം.എ.ഖാദര്‍, കെ.എം.അബ്ദുല്‍ റഹ്മാന്‍, കെ.ഷാഫി ഹാജി, സലാം പാണളം, എ.എ.അബ്ദുല്‍ റഹ്മാന്‍, ഖാലിദ് പച്ചക്കാട്, ആസിഫ് സഹീര്‍, റാഷിദ് പൂരണം, സുബൈര്‍ മാര, ഹബീബ് ചെട്ടുംകുഴി സംബന്ധിച്ചു.
ടി.ഇ.അബ്ദുല്ല, എ.അബ്ദുല്‍ റഹ്മാന്‍, സി.എച്ച്.മുഹമ്മദ് കുഞ്ഞി ചായിന്റടി, എ.എ.ജലീല്‍, മൊയ്തീന്‍ കൊല്ലമ്പാടി ചെന്നിത്തലയെ ഹാരാര്‍പ്പണം നടത്തി.
രണ്ടാം ദിവസമായ വെളളിയാഴ്ച രാവിലെ യാത്ര ചട്ടഞ്ചാലിലെത്തിയപ്പോള്‍ ലീഗ് നേതാക്കളും പ്രവര്‍ത്തകരും ആവേശത്തോടെയാണ് സ്വീകരിച്ചത്. ഷാഫി കട്ടക്കാല്‍, കല്ലട്ര മാഹിന്‍ ഹാജി, കാപ്പില്‍ മുഹമ്മദ് പാഷ തുടങ്ങിയവര്‍ നേതൃത്വം നല്‍കി.

 

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News