മഞ്ചേശരത്ത്‌ കെ എസ് ആര്‍ ടി സി യും ഇന്നോവയും കൂട്ടിയിടിച്ച് 10 പേര്‍ക്ക് പരിക്ക്

മഞ്ചേശ്വരം : ദേശീയപാതയില്‍ മഞ്ചേശ്വരത്തിനടുത്തെ കറോഡയില്‍ കര്‍ണ്ണാടക കെ എസ് ആര്‍ ടി സി യും ഇന്നോവ കാറും കൂട്ടിയിടിച്ച് പത്തുപേര്‍ക്ക് പരിക്കേറ്റു. കാറില്‍ സഞ്ചരിക്കുകയായിരുന്ന മലപ്പുറം പെരുന്തല്‍മണ്ണ സ്വദേശികളായ മുസ്തഫ, റഷീദ്, മുസ്തഫ, റഫീഖ്, സിദ്ധിഖ്, മൂസ, മുഹമ്മദലി എന്നിവര്‍ക്കും ബസ് യാത്രക്കാരായ ഉപ്പള പച്ചിലംപാറയിലെ റഹ്മത്ത് ഉള്‍പ്പെടെ പത്തുപേര്‍ക്കാണ് പരിക്കേറ്റത്. ഇവരെ മംഗലാപുരത്തെയും തെക്കോട്ടെയും സ്വകാര്യാശുപത്രികളില്‍ പ്രവേശിപ്പിച്ചു. ഇതില്‍ രണ്ടു പേരുടെ നില ഗുരുതരമാണ്. ശനിയാഴ്ച രാവിലെ പത്തുമണിയോടെയാണ് അപകടം. മംഗലാപുരത്തെ ദര്‍ഗ്ഗയിലേക്ക് പോയി തിരിച്ചുവരികയായിരുന്ന ഇന്നോവ കാര്‍ മറ്റൊരു വാഹനത്തെ മറി കടക്കുന്നതിനിടയില്‍ മംഗലാപുരത്തേക്ക് പോകുകയായിരുന്ന കര്‍ണ്ണാടക കെ എസ് ആര്‍ ടി സി യുമായി കൂട്ടിയിടിക്കുകയായിരുന്നു. അപകടത്തെത്തുടര്‍ന്ന് ദേശീയപാതയില്‍ അരമണിക്കൂറോളം ഗതാഗതം തടസ്സപ്പെട്ടു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News