അല്‍-അമീന്‍ യൂത്ത് ഫെഡറേഷന്‍ വാര്‍ഷികാഘോഷം തുടങ്ങി

ബോവിക്കാനം: ബോവിക്കാനം ജമാഅത്ത് അല്‍-അമീന്‍ യൂത്ത് ഫെഡറേഷന്‍ ഒന്നാം വാര്‍ഷികാഘോഷം തുടങ്ങി. സയ്യിദ് സൈനുല്‍ ആബിദീന്‍തങ്ങള്‍ കുന്നുംകൈ ഉദ്ഘാടനം ചെയ്തു.
സമ്മേളനത്തോടനുബന്ധിച്ച് നടന്ന സാംസ്‌ക്കാരിക സമ്മേളനത്തില്‍ കൊപ്പല്‍ ചന്ദ്രശേഖരന്‍ മുഖ്യപ്രഭാഷണം നടത്തി.ഇ.പി.ഹംസത്തു സഅദി പ്രാര്‍ത്ഥനക്ക് നേതൃത്വം നല്‍കി. സിദ്ധീഖ് ബോവിക്കാനം അധ്യക്ഷത വഹിച്ചു. ജില്ലാ ഇന്‍ഫര്‍മേഷന്‍ ഓഫീസര്‍ കെ.അബ്ദുല്‍ റഹ്മാന്‍, ഹെല്‍ത്ത് ഇന്‍സ്‌പെക്ടര്‍ മുഹമ്മദലി, സംയുക്ത ജമാഅത്ത് സെക്രട്ടറി കെ.ബി.മുഹമ്മദ് കുഞ്ഞി, ഹംസ തെക്കേപ്പള്ള, ബി.എം.ഹാരിസ് സംസാരിച്ചു. മുജീബ് ഫാറൂഖി തിരുവനന്തപുരം പ്രഭാഷണം നടത്തി.
അഞ്ചു ദിവസം നീണ്ടുനില്‍ക്കുന്ന മതപ്രഭാഷണ പരമ്പരയില്‍ ഷെമീര്‍ ദാരിമി കൊല്ലം, മാഹിന്‍ മന്നാനി, ഇ.പി.അബൂബക്കര്‍ അല്‍ ഖാസിമി പ്രസംഗിക്കും. 21ന് ആയിരങ്ങള്‍ക്ക് അന്നദാനം നല്‍കി പരിപാടി സമാപിക്കും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News