ശിവഗിരി സമ്മേളനം: മോഡിയോടൊപ്പം വിഎസ് വേദി പങ്കിടില്ല

തിരുവനന്തപുരം: ഗുജറാത്ത് മുഖ്യമന്ത്രി നരേന്ദ്ര മോഡിയോടൊപ്പം വേദി പങ്കിടില്ലെന്നു പ്രതിപക്ഷ നേതാവ് വി.എസ്. അച്യുതാനന്ദന്‍. ശ്രീനാരായണ ധര്‍മമീംമാസ പരിഷത്ത് കനക ജൂബിലി സമ്മേളനം മോഡി ഉദ്ഘാടനം ചെയ്യാന്‍ ശിവഗിരി മഠത്തില്‍ എത്തുന്നതിനാലാണിത്. ഇതേ സമ്മേളനത്തില്‍ അരുവിപ്പുറം പ്രതിഷ്ഠ ശരോത്തര രജത ജൂബിലി സമ്മേളനം ഉദ്ഘാടനം ചെയ്യാന്‍ വി.എസിനെ സംഘാടകര്‍ ക്ഷണിച്ചിരുന്നു. ഈ ക്ഷണമാണു വിഎസ് വേണ്ടെന്നു വച്ചത്.

ശ്രീനാരായണ ഗുരുവിന്‍റെ തത്വങ്ങള്‍ക്കു പൂര്‍ണമായി എതിരാണു മോഡിയുടെയും കൂട്ടരുടെയും പ്രത്യയശാസ്ത്രവും പ്രവര്‍ത്തനവുമെന്നു വിഎസ് പറഞ്ഞു. വെവ്വേറെ സാഹചര്യത്തിലാണെങ്കില്‍ പോലും മോഡിയെ ക്ഷണിച്ച പശ്ചാത്തലത്തില്‍ ചടങ്ങില്‍ നിന്നു വിട്ടുനില്‍ക്കാന്‍ തീരുമാനിച്ച വിവരം പ്രസിഡന്‍റ് സ്വാമി പ്രകാശാനന്ദയെ അറിയിച്ചിട്ടുണ്ടെന്നും വാര്‍ത്താസമ്മേളനത്തില്‍ വിഎസ് വ്യക്തമാക്കി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News