ഡോ.ഖാദര്‍ മാങ്ങാട് കണ്ണൂര്‍ സര്‍വകലാശാലാ വി.സിയാവും

തിരുവനന്തപുരം: കാഞ്ഞങ്ങാട് നെഹ്‌റു കോളജ് പ്രിന്‍സിപ്പലും കണ്ണൂര്‍ വാഴ്‌സിറ്റി സിന്‍ഡിക്കറ്റ് മെംബറുമായ ഡോ. എം.കെ. അബ്ദുള്‍ഖാദര്‍ (ഖാദര്‍ മാങ്ങാട്) കണ്ണൂര്‍ സര്‍വകലാശാല വൈസ് ചാന്‍സലറാകും. വി.സിയെ തെരഞ്ഞെടുക്കാനുള്ള സര്‍ച്ച് കമ്മിറ്റി യോഗം വ്യാഴാഴ്ച തിരുവനന്തപുരത്ത് യോഗം ചേര്‍ന്ന് ഖാദര്‍ മാങ്ങാടിന്റെ പേര് ശിപാര്‍ശ ചെയ്യുകയായിരുന്നു. ചീഫ് സെക്രട്ടറി ജോസ് സിറിയക്, യുജിസി പ്രതിനിധി ഡോ. എസ്.കെ. ജോഷി, സിന്‍ഡിക്കറ്റ് പ്രതിനിധി ഡോ. കെ. ഗംഗാധരന്‍ എന്നിവരായിരുന്നു കമ്മിറ്റി അംഗങ്ങള്‍.
യോഗ്യതയുള്ള മൂന്നംഗ പാനലിനെശിപാര്‍ശ ചെയ്യുമെന്നാണ് കരുതിയിരുന്നതെങ്കിലും ഖാദര്‍ മാങ്ങാടിന്റെ പേരു മാത്രമാണ് കമ്മിറ്റി നിര്‍ദേശിച്ചത്. അമ്പത്തിനാലുകാരനായ ഖാദര്‍ മാങ്ങാട് ഉദുമ സ്വദേശിയാണ് . 2011 ജൂലൈയിലാണ് ഇദ്ദേഹം കാഞ്ഞങ്ങാട് നെഹ്‌റു കോളജ് പ്രിന്‍സിപ്പലായത്. ഇംഗ്ലീഷ് ബിരുദാനന്തര ബിരുദ വിഭാഗം തലവനായിരുന്ന ഇദ്ദേഹം എന്‍എസ്എസിന്റെ പ്രോഗ്രാം ഓഫീസറായും സേവനമനുഷ്ഠിച്ചു. കുഞ്ഞാലിഹാജിയാണു പിതാവ്. ഭാര്യ: കെ. നസീമ (അസിസ്റ്റന്റ് പ്രഫസര്‍, കാഞ്ഞങ്ങാട് നെഹ്‌റു കോളജ്). മക്കള്‍: ഡോ. നൗഫല്‍ അലി, ഡോ. ആയിഷ മഷൂദ, അസിം അഹമ്മദ്.

 

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News