നാദാപുരത്ത് റെയ്ഡില് ലക്ഷക്കണക്കിന് രൂപയും മുദ്രപത്രങ്ങളും ബ്ലാങ്ക് ചെക്കുകളും കണ്ടെത്തി. രാവിലെ ആറിന് നാദാപുരം സിഐ എ.എസ്.സുരേഷ്കുമാറിന്റെയും വളയം എസ്ഐ എസ്.ടി.ബിജുവിന്റെയും നേതൃത്വത്തിലുള്ള സംഘമാണ് പരിശോധന നടത്തിയത്. തൂണേരിയിലെ മൂന്ന് വീടുകളിലാണ് റെയ്ഡ് നടത്തിയത്. തൂണേരി സ്വദേശി കളത്തില് താഴേക്കുനി രാജന്റെ വീട്ടില് നിന്നും എട്ടു ബ്ലാങ്ക് ചെക്കുകളും ആറ് മുദ്രപത്രങ്ങളും 1,68,300 രൂപയും കണ്ടെത്തി. രാജനെ പോലീസ് അറസ്റ്റ് ചെയ്തു. പുത്തലത്ത് താഴെക്കുനിയില് ശ്രീലക്ഷ്മിയില് ജ്യോതികുമാര് അറസ്റ്റിലായി. ഇയാളുടെ വീട്ടില് നിന്ന് 16 ആധാരങ്ങളും 18 ബ്ലാങ്ക് ചെക്കും 28,000 രൂപയും കണെ്ടടുത്തു. മറ്റു രണ്ടു വീടകുകളില് റെയ്ഡ് നടന്നുകൊണ്ടിരിക്കുകയാണ്.
പയ്യോളിയില് പലിശയ്ക്ക് പണം കൊടുക്കുന്ന സ്വകാര്യ പണമിടപാടുകാരുടെ രണ്ടു വീടുകളിലാണ് റെയ്ഡ് നടന്നത്. രാവിലെ പയ്യോളി എസ്.ഐ രാജേഷ് കുമാറിന്റെ നേതൃത്വത്തിലാണ് റെയഡിനെത്തിയത്. ഒരു വീട്ടില് നിന്നും നിരവധി സ്റ്റാമ്പ് പേപ്പറുകളും മുദ്രപത്രങ്ങളും ചെക്കുകളും പോലീസ് പിടിച്ചെടുത്തു. പയ്യോളി ബീച്ച് റോഡില് സായ്വിന്റെ കാട്ടില് രജ്ഞന്റെ വീട്ടില് നിന്നാണ് പയ്യോളി പോലീസ് നിരവധി രേഖകള് പിടിച്ചെടുത്തത്. പയ്യോളി റിയാന മന്സില് ജമീലയുടെ വീട്ടിലും പോലീസ് റെയ്ഡ് നടത്തിയിരുന്നു. എന്നാല് ഒന്നും കണ്ടെത്തിയിരുന്നില്ല.
കൊയ്ലാണ്ടിയിലെ റെയ്ഡില് കൊല്ലം നിര്മാല്യത്തില് എരയമന്കണ്ടി കൃഷ്ണന് (62)നെ അറസ്റ്റ് ചെയ്തു. ഇയാളെ കൈയില് നിന്ന് 95,000 രൂപയും അഞ്ച് ചെക്കുകളും രണ്ട് മുദ്രപത്രവും പോലീസ് പിടിച്ചെടുത്തു. കൊയിലാണ്ടിയിലെ വിവിധ മേഖലകളില് പോലീസ് റെയ്ഡ് നടത്തി.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment