വാഹനാപകടത്തില്‍ മാതൃഭൂമി ജീവനക്കാരന്‍ മരിച്ചു

കോഴിക്കോട്: മീഞ്ചന്തയ്ക്ക് സമീപം സ്‌കൂട്ടറും കാറും കൂട്ടിയിടിച്ചുണ്ടായ അപകടത്തില്‍ മാതൃഭൂമിയിലെ ചീഫ് പ്രൂഫ് റീഡര്‍ മീഞ്ചന്ത തിരുവച്ചിറ പാലാട്ട്‌നഗറില്‍ കെ.ജി സനത്കുമാര്‍(54) മരിച്ചു. മീഞ്ചന്ത ബൈപ്പാസ് ജംഗ്ഷന് സമീപം വെച്ച് സനത്കുമാര്‍ ഓടിച്ചിരുന്ന സ്‌കൂട്ടര്‍ കാറില്‍ തട്ടിയാണ് അപകടം. ഗുരുതരമായി പരിക്കേറ്റ സനത്കുമാറിനെ മെഡിക്കല്‍ കോളജിലും തുടര്‍ന്ന് സ്വകാര്യ ആസ്പത്രിയിലും പ്രവേശിപ്പിച്ചെങ്കിലും സന്ധ്യയോടെ മരണം സംഭവിച്ചു. രമാദേവിയാണ് ഭാര്യ. മക്കള്‍ -അമൃത സനത്, ഐശ്വര്യ സനത്‌

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News