മാപ്പിളകലാ അക്കാദമി പീസ് കാമ്പയിന്‍ ഉദ്ഘാടനം

കണ്ണൂര്‍: കേരള മാപ്പിളകലാ അക്കാദമി ഒരുക്കുന്ന മാനവികതയ്ക്ക് ഒരു ഇശല്‍ സ്​പര്‍ശം എന്ന പീസ് കാമ്പയിനിന്റെ ഉദ്ഘാടനം 31ന് നടക്കും. സംസ്ഥാനത്തിന്റെ വിവിധ ഭാഗങ്ങളിലായി പദയാത്രകള്‍, കുടുംബയോഗങ്ങള്‍, കാമ്പസ് മീറ്റുകള്‍, സ്‌നേഹ സംഗമങ്ങള്‍, സാംസ്‌കാരിക കൂട്ടായ്മകള്‍, സെമിനാറുകള്‍, ഇശല്‍ വിരുന്നുകള്‍ എന്നിവ ഒരുക്കലാണ് പരിപാടിയിലൂടെ ലക്ഷ്യമിടുന്നതെന്ന് അക്കാദമി ഭാരവാഹികള്‍ പത്രസമ്മേളനത്തില്‍ പറഞ്ഞു.

ഇതിനുപുറമെ ഓരോ ജില്ലയിലും വിവിധ മേഖലകളില്‍ വ്യക്തിമുദ്ര പതിപ്പിച്ച മുതിര്‍ന്നവരെ ആദരിക്കും. വെള്ളിയാഴ്ച അഞ്ചുമണിക്ക് മരക്കാര്‍കണ്ടി എന്‍.എന്‍.എസ്. ഓഡിറ്റോറിയത്തില്‍ നടക്കുന്ന പരിപാടി വാണിദാസ് എളയാവൂര്‍ ഉദ്ഘാടനം ചെയ്യും. കണ്ണൂരിലെ പ്രമുഖരായ 10 വ്യക്തികളെ ചടങ്ങില്‍ ആദരിക്കും.

സോമന്‍ കുറുവ, അല്‍ത്താഫ് മാങ്ങാടന്‍, നാസര്‍ മൈലാഞ്ചിക്കല്‍, തലശ്ശേരി കെ.റഫീഖ് എന്നിവര്‍ പത്രസമ്മേളനത്തില്‍ പങ്കെടുത്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News