ഒന്നാം റാങ്കുകാരിക്ക് സീറ്റില്ല; അടുത്ത വര്‍ഷം പ്രവേശനം നല്‍കണം: കോടതി

കൊച്ചി: ഒന്നാം റാങ്ക് ലഭിച്ചിട്ടും ബി.എസ്‌സി. നഴ്‌സിങ് കോഴ്‌സിനു പ്രവേശനം നിഷേധിച്ച വിദ്യാര്‍ഥിനിക്ക് അടുത്ത വര്‍ഷം പ്രവേശന പരീക്ഷ കൂടാതെ പ്രവേശനം നല്‍കണമെന്ന് ഹൈക്കോടതി. കാഞ്ഞങ്ങാട് സ്വദേശിനി സബിതാ മാനുവലിനാണ് പരീക്ഷ കൂടാതെ പ്രവേശനം നല്‍കണമെന്ന് ചീഫ്ജസ്റ്റിസ് മഞ്ജുള ചെല്ലൂര്‍, ജസ്റ്റിസ് കെ വിനോദ് ചന്ദ്രന്‍ എന്നിവരടങ്ങിയ ഡിവിഷന്‍ ബെഞ്ച് ഉത്തരവിട്ടത്.

ഹെല്‍ത്ത് സര്‍വീസില്‍ ഒന്നാം റാങ്ക് നേടിയ ഹരജിക്കാരിയെ മറികടന്നു രണ്ടു പേര്‍ക്കു നിയമവിരുദ്ധമായി പ്രവേശനം നല്‍കി. മറ്റൊരു സീറ്റില്‍ നേരത്തെ കോടതിയെ സമീപിച്ച വിദ്യാര്‍ഥിക്കും പ്രവേശനം നല്‍കി. ഇതോടെയാണ് ഹരജിക്കാരി പുറത്തായത്.കോഴ്‌സ് ആരംഭിച്ച് ഒരു സെമസ്റ്റര്‍ പൂര്‍ത്തിയാകാറായതിനാല്‍ ഈ വര്‍ഷം നിയമനം നല്‍കാനാവില്ലെന്നും അതിനാല്‍ അടുത്ത വര്‍ഷം പ്രവേശനം ഉറപ്പാക്കണമെന്നും കോടതി ഉത്തരവിട്ടു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News