ജസ്റ്റിസ് സി എന്‍ രാമചന്ദ്രന്‍ അധ്യക്ഷനായി എന്‍ഡോസള്‍ഫാന്‍ സമിതി പുനസ്സംഘടിപ്പിച്ചു

സി എന്‍ രാമചന്ദ്രന്‍

തിരുവനന്തപുരം: എന്‍ഡോസള്‍ഫാന്‍ ദുരിതബാധിതര്‍ക്കു നഷ്ടപരിഹാരവും ആനുകൂല്യങ്ങളും ലഭ്യമാക്കുന്നതിനു പ്രത്യേക ട്രൈബ്യൂണല്‍ രൂപീകരിക്കുന്നതിന്റെ നിയമസാധുത പഠിക്കാന്‍ നിയോഗിച്ച സമിതി പുനസ്സംഘടിപ്പിക്കാന്‍ മന്ത്രിസഭാ യോഗം തീരുമാനിച്ചു. റിട്ടയേഡ് ഹൈക്കോടതി ജസ്റ്റിസ് സി എന്‍ രാമചന്ദ്രന്‍ അധ്യക്ഷനായാണ് കമ്മിറ്റി പുനസ്സംഘടിപ്പിക്കുന്നത്. ഡയറക്ടര്‍ ജനറല്‍ ഓഫ് പ്രോസിക്യൂഷന്‍, നിയമവകുപ്പ് സെക്രട്ടറി എന്നിവര്‍ സമിതിയിലെ അംഗങ്ങളായിരിക്കും. മൂന്നു മാസത്തിനകം സമിതി സര്‍ക്കാരിനു റിപോര്‍ട്ട് സമര്‍പ്പിക്കണമെന്നാണ് നിര്‍ദേശം.

എന്‍ഡോസള്‍ഫാന്‍ ദുരിതബാധിതര്‍ക്ക് ആനുകൂല്യങ്ങള്‍ ലഭ്യമാക്കുന്നതിനും ബന്ധപ്പെട്ട കമ്പനികളില്‍ നിന്ന് നഷ്ടപരിഹാരം ഈടാക്കുന്നതിനു പ്രത്യേക ട്രൈബ്യൂണല്‍ രൂപീകരിക്കുന്നതിന്റെ നിയമസാധുത പഠിക്കുന്നതിനുമായി നേരത്തേ ഒരു സമിതിയെ നിയോഗിച്ച് സര്‍ക്കാര്‍ ഉത്തരവ് ഇറക്കിയിരുന്നു. അഡ്വക്കറ്റ് ജനറല്‍, ഡയറക്ടര്‍ ജനറല്‍ ഓഫ് പ്രോസിക്യൂഷന്‍, നിയമവകുപ്പ് സെക്രട്ടറി എന്നിവരായിരുന്നു സമിതിയിലെ അംഗങ്ങള്‍.

സമിതിയില്‍ തുടരുന്നതില്‍ സാങ്കേതികമായി ബുദ്ധിമുട്ടുണെ്ടന്നു ചൂണ്ടിക്കാട്ടി അഡ്വക്കറ്റ് ജനറല്‍ പിന്‍വാങ്ങിയതിനെ തുടര്‍ന്നാണ് സമിതി പുനസ്സംഘടിപ്പിച്ചത്. ഇതു സംബന്ധിച്ച് കേസ് വന്നാല്‍ കോടതിയില്‍ സര്‍ക്കാരിനു വേണ്ടി കോടതിയില്‍ ഹാജരാവേണ്ടത് അഡ്വക്കറ്റ് ജനറലാണ്. സമിതിയുടെ പുതിയ ചെയര്‍മാനായ ജസ്റ്റിസ് സി എന്‍ രാമചന്ദ്രന്‍ നായര്‍ നിലവില്‍ ഡാം സേഫ്റ്റി കമ്മീഷണറാണ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News