എയർപോർട്ടിൽ ക്യൂ തെറ്റിച്ചു, രഞ്‌ജിനി ഹരിദാസിനെ കയ്യേറ്റം ചെയ്യാൻ ശ്രമമെന്ന്

നെടുമ്പാശേരി: വിമാനത്താവളത്തിലെ കസ്​റ്റംസ് പരിശോധനയ്ക്കുളള ക്യൂ തെ​റ്റിച്ചതിനെ ചൊല്ലിയുളള തർക്കത്തിനിടെ ചാനൽ അവതാരിക രഞ്‌ജിനി ഹരിദാസിനെ കയ്യേററം ചെയ്യാൻ ശ്രമിച്ചതിന്റെ പേരിൽ യാത്രക്കാരനെ പോലീസ് അറസ്​റ്റ് ചെയ്തു. അമേരിക്കയിൽ നിന്നും ഭാര്യയ്ക്കും രണ്ട് കുട്ടികൾക്കുമൊപ്പം നാട്ടിലേക്ക് വരികയായിരുന്ന പൊൻകുന്നം സ്വദേശി ബിനോയിയെയാണ് (42) അറസ്​റ്റ് ചെയ്തത്. പിന്നീട് സ്‌​റ്റേഷനിൽ നിന്നു തന്നെ ജാമ്യമനുവദിക്കുകയും ചെയ്തു.

വ്യാഴാഴ്ച രാവിലെ എമിറേ​റ്റ്‌സ് വിമാനത്തിലാണ് രഞ്‌ജിനി ഹരിദാസ് നെടുമ്പാശേരി വിമാനതാവളത്തിൽ വന്നിറങ്ങിയത്. ഇതേ വിമാനത്തിൽ തന്നെയാണ് ബിനോയിയും കുടുംബവും എത്തിയത്. എമിഗ്രേഷൻ പരിശോധന കഴിഞ്ഞ് കസ്​റ്റംസ് പരിശോധനയ്ക്കായുളള ക്യൂവിൽ ബിനോയ് നിൽക്കുന്നതിനിടെ ഇദ്ദേഹത്തെ മറികടന്ന് രഞ്‌ജിനി ഹരിദാസ് ക്യൂവിന്റെ മുൻ നിരയിലേക്ക് കയറി നിന്നതിനെ ബിനോയ് ചോദ്യം ചെയ്തു. ഇതിൽ കുപിതയായ രഞ്‌ജിനി തന്റെ കൂടെയുണ്ടായിരുന്ന മ​റ്റ് രണ്ട് പേരെ കൂടി ക്യൂവിന്റെ മുൻ നിരയിലേക്ക് കൊണ്ടുവന്നു. ഇതേ ചൊല്ലിയാണ് വാക്കുതർക്കം മുറുകിയത്. തുടർന്നാണ് കയ്യേ​റ്റ ശ്രമമുണ്ടായത്. ഉടൻ തന്നെ രഞ്‌ജിനി മൊബൈൽ ഫോണിലൂടെ ഉന്നത പോലീസുദ്യോഗസ്ഥരുമായി ബന്ധപ്പെട്ടു. തുടർന്ന് നെടുമ്പാശേരി പോലീസ് വിമാനതാവളത്തിനകത്തെത്തിയാണ് രഞ്‌നിയിൽ നിന്നും പരാതി സ്വീകരിച്ച ശേഷം ബിനോയിയെ അറസ്​റ്റ് ചെയ്തത്.

നൂറ് കണക്കിന് യാത്രക്കാരെ അവഹേളിച്ച് ക്യൂവിന്റെ മുൻനിരയിലേക്ക് വന്നതിനെ ചോദ്യം ചെയ്തപ്പോൾ തന്നെ കയ്യേ​റ്റം ചെയ്യാനാണ് രജ്ഞിനി ശ്രമിച്ചതെന്ന് ബിനോയി പോലീസിന് മൊഴി നൽകി. തുടർന്ന് സത്യാവസ്ഥ മനസിലാക്കുന്നതിനുവേണ്ടി പോലീസ് വിമാനതാവളത്തിനകത്തെ ക്യാമറ പരിശോധിക്കുന്നതിന് സുരക്ഷാ വിഭാഗത്തോട് ആവശ്യപ്പെട്ടിരിക്കുകയാണ്. ഈ ക്യാമറയിൽ ദൃശ്യങ്ങളും ഇവരുടെ സംസാരവും റെക്കോർഡ് ചെയ്തിട്ടുണ്ട്. എന്നാൽ താൻ ക്യൂതെ​റ്റിച്ചില്ലെന്നാണ് രഞ്‌ജിനി പറയുന്നത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News