മൃതദേഹത്തില്‍ മൂത്രമൊഴിച്ച യു.എസ്. ഓഫിസര്‍ക്ക് വിചാരണ

വാഷിങ്ടണ്‍: അഫ്ഗാനിലെ ഹെല്‍മന്ത് പ്രവിശ്യയില്‍ കൊല്ലപ്പെട്ട താലിബാന്‍ പോരാളിയുടെ മൃതദേഹത്തില്‍ മൂത്രമൊഴിച്ച് അപമാനിച്ച കേസില്‍ അമേരിക്കന്‍ സൈനിക ഓഫിസറെ പട്ടാളക്കോടതിയില്‍ വിചാരണ ചെയ്യും. ക്യാപ്റ്റന്‍ ജെയിംസ് വി ക്ലമന്റിനെയാണ് മനുഷ്യത്വരഹിതമായ പ്രവൃത്തി ചെയ്തതിനു വിചാരണ ചെയ്യുക.

2011 ജൂലൈയിലുണ്ടായ സംഭവത്തിന്റെ വീഡിയോദൃശ്യം പുറത്തായതിനെത്തുടര്‍ന്ന് വന്‍ പ്രതിഷേധമാണ് അഫ്ഗാനിലുണ്ടായത്. കീഴുദ്യോഗസ്ഥരുടെ തെറ്റായ പ്രവര്‍ത്തനങ്ങള്‍ക്കു ക്ലമന്റ് കൂട്ടുനിന്നെന്ന് അമേരിക്കന്‍ സൈന്യം പ്രസ്താവനയില്‍ പറഞ്ഞു. വിചാരണ തിയ്യതി പ്രഖ്യാപിച്ചിട്ടില്ല. ക്ലമന്റിനെതിരായ കേസുകള്‍ ഈ മാസം 10ന് പട്ടാളക്കോടതിക്ക് കൈമാറിയിട്ടുണെ്ടന്ന് ലഫ്. ജനറല്‍ റിച്ചാഡ് മില്‍സ് പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News