എല്‍.ഇ.ഡി ലൈറ്റുകള്‍ കാഴ്ചയെ ബാധിക്കുമെന്ന്

ലണ്ടന്‍: എല്‍.ഇ.ഡി ലൈറ്റുകള്‍ കണ്ണിന്‍െറ പ്രവര്‍ത്തനത്തെ തകിടംമറിക്കുമെന്ന് പഠനത്തില്‍ കണ്ടെത്തി. തുടര്‍ച്ചയായി എല്‍.ഇ.ഡി ലൈറ്റിന്‍െറ പ്രകാശം തട്ടുന്നത് കണ്ണിന്‍െറ റെറ്റിനയെ പ്രതികൂലമായി ബാധിക്കുമെന്നതിനാണ് തെളിവുകള്‍ ലഭിച്ചത്. 

എല്‍.ഇ.ഡി വെളിച്ചത്തില്‍നിന്നുള്ള നേരിയ റേഡിയേഷനാണത്രെ കണ്ണിന് ഭീഷണിയാവുന്നത്. എല്‍.ഇ.ഡി ലൈറ്റുകള്‍ റെറ്റിനക്ക് വൈകല്യമുണ്ടാക്കി കാലാന്തരത്തില്‍ കാഴ്ചതന്നെ ഇല്ലാതാക്കുമെന്ന് പഠനത്തിന് നേതൃത്വം നല്‍കിയ മഡ്രിഡ് കമ്പ്ളൂട്ടന്‍സ് സര്‍വകലാശാലയിലെ ഡോ. സീലിയ സാഞ്ചസ് റാമോസ് അഭിപ്രായപ്പെട്ടു. 

മുനുഷ്യര്‍ ചുരുങ്ങിയത് മണിക്കൂറില്‍ 6000 തവണയിലധികം കണ്ണുകള്‍ അടക്കുകയും തുറക്കുകയും ചെയ്യുന്നുണ്ട് എന്നാണ് കണക്ക്.

കമ്പ്യൂട്ടറുകള്‍, ടി.വി, മൊബൈല്‍ ഫോണ്‍ എന്നിവയെക്കൂടാതെ സമീപകാലത്തായി ഗതാഗത നിയന്ത്രണ സംവിധാനങ്ങള്‍, തെരുവുവിളക്കുകള്‍ എന്നിവയിലും ഇപ്പോള്‍ എല്‍.ഇ.ഡികള്‍ ഉപയോഗിച്ചുവരുന്നുണ്ട്. പരിസ്ഥിതിക്ക് ഇണങ്ങുമെന്നതും ഊര്‍ജം കുറച്ചുമതിയെന്നതും സമീപകാലത്ത് എല്‍.ഇ.ഡിയുടെ സ്വീകാര്യത വര്‍ധിപ്പിച്ചിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News