ഭര്‍ത്താവ് ചതിക്കുന്നുണ്ടെന്ന് സ്വപ്‌നം കണ്ടാല്‍ കുടുംബജീവിതം തകരും

ലണ്ടന്‍ : ഭര്‍ത്താവിന് മറ്റൊരു സ്ത്രീയുമായി ബന്ധമുണ്ടെന്ന് സ്വപ്‌നം കണ്ടാല്‍ മാത്രം മതി ആ കുടുംബജീവിതം അവതാളത്തിലാകുമെന്ന് പുതിയ അന്വേഷണപഠനം വെളിപ്പെടുത്തി.

സ്വപ്‌നങ്ങളുടെ മൂല്യങ്ങളെക്കുറിച്ചുള്ള പഠനത്തിലാണ് മേരിലാന്റ് യൂണിവേഴ്‌സിറ്റിയിലെ ഗവേഷകര്‍ ഇക്കാര്യം കണ്ടെത്തിയത്. പതിനേഴിനും 42നും ഇടയ്ക്കുള്ള 61 സ്ത്രീകളുടെ സ്വപ്‌നങ്ങളും യഥാര്‍ത്ഥ കുടുംബബന്ധങ്ങളും തമ്മില്‍ രണ്ടാഴ്ചത്തേക്ക് നിരീക്ഷിച്ചപ്പോഴാണ് ഇക്കാര്യം വ്യക്തമായത്. ഭര്‍ത്താവിന് അന്യസ്ത്രിയുമായി ബന്ധമുണ്ടെന്ന് സ്വപ്‌നം കാണുന്ന സ്ത്രീകളില്‍ അസൂയ മൂക്കുകയും തര്‍ക്കവാദങ്ങള്‍ ഉയരുകയും പിറ്റേന്നുമുതല്‍ വഴക്കും വക്കാണവും ആരംഭിക്കുകയും ചെയ്യുന്നതായാണ് കണ്ടെത്തിയത്. ഭര്‍ത്താവിലുള്ള വിശ്വാസം നഷ്ടപ്പെടുന്ന ഇവരില്‍ സ്‌നേഹവും അടുപ്പവും കുറയുകയും ചെയ്യും.

നല്ല ലൈംഗിക സ്വപ്‌നങ്ങള്‍ കാണുന്നവര്‍ക്ക് അടുത്ത ദിവസങ്ങളില്‍ ഉയര്‍ന്ന സ്‌നേഹവും അടുപ്പവുമുണ്ടാകും. എന്നാല്‍ ദുര്‍ബലമായ ലൈംഗികബന്ധമാണ് സ്വപ്‌നം കാണുന്നതെങ്കില്‍ വിപരീതമായിരിക്കും ഫലമെന്നും ഗവേഷകര്‍ കണ്ടെത്തി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News