ദേശീയ കുറ്റാന്വേഷണ ഏജന്‍സിയുടെ സ്‌പെഷ്യല്‍ പ്രോസിക്യൂട്ടര്‍ വെടിയേറ്റ് മരിച്ചു.

ഇസ്ലാമാബാദ്: ബേനസീര്‍ ഭൂട്ടോ വധക്കേസിലും മുംബൈ ഭീകരാക്രമണക്കേസിലും ദേശീയ കുറ്റാന്വേഷണ ഏജന്‍സിയുടെ സ്‌പെഷ്യല്‍ പ്രോസിക്യൂട്ടറുമായ ചൗധരി സുള്‍ഫിക്കര്‍ അലി അജ്ഞാതരുടെ വെടിയേറ്റ് മരിച്ചു. അലിക്കു നേരെയുണ്ടായ വെടിവെപ്പില്‍ ഒരു സ്ത്രീ അടക്കം മറ്റ് രണ്ടാളുകള്‍ കൂടി കൊല്ലപ്പെട്ടു.

ഇസ്ലാമാബാദിലെ ജി-9 പ്രദേശത്തുവച്ച് ബൈക്കിലെത്തിയ അജ്ഞാതര്‍ സുള്‍ഫിക്കര്‍ അലിയുടെ കാറിനു നേരെ വെടിയുതിര്‍ക്കുകയായിരുന്നു. അലിയുടെ നെഞ്ചില്‍ മാത്രം അഞ്ച് വെടിയുണ്ടകള്‍ തുളച്ചുകയറിയതായി ഡോക്ടര്‍മാര്‍ പറഞ്ഞു.

ബേനസീര്‍ ഭൂട്ടോ വധക്കേസില്‍ റാവല്‍പിണ്ടിയിലെ തീവ്രവാദ വിരുദ്ധ കോടതിയില്‍ ഹാജരാകാനിരിക്കെയായിരുന്നു അലിക്കെതിരെ ആക്രമണം ഉണ്ടായത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News