പുല്ലൂരില്‍ ഓട്ടോയില്‍ ജീപ്പിടിച്ച് യാത്രക്കാരി മരിച്ചു

പെരിയ: മരിച്ച ബന്ധുവിന്റെ വീട്ടില്‍ സഞ്ചയനത്തിനുള്ള സാധനങ്ങള്‍ ഏല്പിച്ച് മടങ്ങവെ വീട്ടമ്മ വാഹനാപകടത്തില്‍ മരിച്ചു. ബല്ലത്ത് കവ്വായിയിലെ പരേതനായ ജനാര്‍ദ്ദനന്റെ ഭാര്യ ശാരദ(54)യാണ് മരിച്ചത്.

ശനിയാഴ്ച ഉച്ചയ്ക്ക് ഒന്നരയോടെ പുല്ലൂര്‍ ദേശീയപാതയില്‍ ശാരദയും ബന്ധുക്കളും സഞ്ചരിച്ച ഓട്ടോയില്‍ കാര്‍ ഇടിച്ചാണ് അപകടം. കഴിഞ്ഞദിവസം മരിച്ച എരോലിലെ ബന്ധുവിന്റെ സഞ്ചയനകര്‍മങ്ങള്‍ക്ക് സാധനങ്ങള്‍ എത്തിച്ച് തിരിച്ചുവരുമ്പോഴാണ് ഇവര്‍ സഞ്ചരിച്ച ഓട്ടോറിക്ഷ അപകടത്തില്‍പ്പെട്ടത്. മൂകാംബികയിലേക്ക് പോകുകയായിരുന്ന കാറാണ് ഓട്ടോയെ ഇടിച്ചു തെറിപ്പിച്ചത്. 

അപകടത്തില്‍ ശാരദയുടെ സഹോദരി ലക്ഷ്മിക്ക്(46) സാരമായി പരിക്കേറ്റു. ഇവരെ മംഗലാപുരത്തെ സ്വകാര്യ ആസ്​പത്രിയില്‍ പ്രവേശിപ്പിച്ചു. ഓട്ടോഡ്രൈവര്‍ മാവുങ്കാലിലെ അശോകന്‍ (50), രാജന്‍ (35), രജനി (35) എന്നിവരെ പരിക്കുകളോടെ മാവുങ്കാലിലെ സ്വകാര്യ ആസ്​പത്രിയില്‍ പ്രവേശിപ്പിച്ചു. മക്കള്‍: അഭിലാഷ്, അനില്‍, അജിത്ത്, ഉഷ, പുഷ്പ. മരുമക്കള്‍: അശ്വതി, അര്‍ച്ചന, ബാബു, ബാബു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News