ബേക്കലില്‍ റെയില്‍വേ ഗസ്റ്റ് ഹൗസ് നിര്‍മിക്കും

കാസര്‍കോട്: ബേക്കല്‍ സ്റ്റേഷന് സമീപം ഉടന്‍ റെയില്‍വേ ഗസ്റ്റ് ഹൗസ് നിര്‍മാണം തുടങ്ങുമെന്ന് ദക്ഷിണ റെയില്‍വേ ജനറല്‍ മാനേജര്‍ രാകേഷ് മിശ്ര. കാസര്‍കോട്, ബേക്കല്‍ റെയില്‍വേ സ്റ്റേഷനുകളില്‍ പരിശോധനക്കെത്തിയതായിരുന്നു അദ്ദേഹം.

ബേക്കല്‍, കാസര്‍കോട് റെയില്‍വേ സ്റ്റേഷനുകളുടെ അടിസ്ഥാന സൗകര്യങ്ങള്‍ മെച്ചപ്പെടുത്തും. കാസര്‍കോട് റെയില്‍വേ സ്റ്റേഷനില്‍ നിലവിലുള്ള സൗകര്യങ്ങള്‍ മെച്ചപ്പെടുത്താനാവശ്യമായ നിര്‍ദേശങ്ങള്‍ സമര്‍പിക്കാന്‍ ഡിആര്‍എമ്മിനും സ്റ്റേഷന്‍ അധികൃതര്‍ക്കും നിര്‍ദേശം നല്‍കിയിട്ടുണ്ടെന്നും രാകേഷ് മിശ്ര പറഞ്ഞു. പാലക്കാട് ഡിആര്‍എം പിയൂഷ് അഗര്‍വാള്‍ ഒപ്പമുണ്ടായിരുന്നു.

കാസര്‍കോട് റെയില്‍വേ സ്റ്റേഷനിലെ സൗകര്യങ്ങള്‍ വിലയിരുത്തിയ മിശ്ര തുടര്‍ന്ന് ബേക്കല്‍ സ്റ്റേഷന് സമീപം ഗസ്റ്റ് ഹൗസ് നിര്‍മിക്കാന്‍ തെരഞ്ഞെടുത്ത സ്ഥലവും സന്ദര്‍ശിച്ചു. 

Keywords: Bekal, Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News