ശ്രീശാന്തിന്റെ കൂടെ ഉണ്ടായിരുന്നത് മറാഠി സിനിമാനടി

ന്യൂഡല്‍ഹി : ഐ.പി.എല്‍ വാതുവെപ്പില്‍ അറസ്റ്റിലാവുമ്പോള്‍ മലയാളി ക്രിക്കറ്റ് താരം ശ്രീശാന്തിനൊപ്പം മൂന്നു സ്ത്രീകള്‍ ഉണ്ടായിരുന്നതായി നേരത്തെ പോലീസ് പുറത്തു വിട്ടിരുന്നു. അറസ്റ്റ് ചെയ്യുമ്പോള്‍ കൂടെ മറാഠി നടിയുമുണ്ടായിരുന്നെന്ന് ദല്‍ഹി പോലീസ് ഇപ്പോള്‍ വെളിപ്പെടുത്തിയിരിക്കുന്നത്. മൂന്ന് പേരില്‍ ഒരാള്‍ നടിയായിരുന്നെന്നാണ് പോലീസ് പറയുന്നത്. 

ശ്രീശാന്തിനെ അറസ്റ്റ് ചെയ്യുമ്പോള്‍ ഈ നടിയും കൂടെ ഉണ്ടായിരുന്നതിനാല്‍ അന്വേഷണം ഇവര്‍ക്കെതിരേയും ഉണ്ടാവുമെന്ന് കരുതുന്നു. എന്തായാലും ഇവരെ ഉടന്‍ ചോദ്യം ചെയ്യുമെന്നാണ് അറിയുന്നത്. ഇവര്‍ക്ക് വാതുവെയ്പ്പുമായി ബന്ധമുണ്ടോയെന്ന് അന്വേഷിക്കുമെന്നും പോലീസ് പറഞ്ഞു. 

ശ്രീശാന്തിന്റെ മുംബൈയിലെ താമസസ്ഥലത്ത് നടത്തിയ റെയ്ഡില്‍ പണവും ലാപ്‌ടോപും പിടിച്ചെടുത്തപ്പോള്‍ ഞെട്ടിപ്പിക്കുന്ന രഹസ്യങ്ങള്‍ ലഭിച്ചതായി പൊലീസ് അറിയിച്ചിരുന്നു. 

അതേസമയം ശ്രീശാന്തിനു വേണ്ടി സുപ്രീംകോടതിയിലെ മുതിര്‍ന്ന അഭിഭാഷകര്‍ ഹാജരാകുമെന്നാണ് അറിയുന്നത്. കെ ടി എസ് തുള്‍സി, യു യു ലളിത്, റബേക്ക ജോണ്‍ എന്നിവരുടെ പേരുകളാണ് പരിഗണനയിലുള്ളത്. ഇവരുമായി ശ്രീശാന്തിന്റെ സഹോദരന്‍ ദീപുവും, അഭിഭാഷകന്‍ ദീപകും ചര്‍ച്ചചെയ്തിരുന്നു. അഡ്വക്കറ്റ് റബേക്ക ജോണ്‍ ശ്രീശാന്തിനുവേണ്ടി ഹാജരാകാന്‍ തയ്യാറാണെന്ന് അറിയിച്ചിട്ടുണ്ട്. 

ആരുഷി തല്‍വാര്‍ കൊലപാതക കേസടക്കം ദേശീയ ശ്രദ്ധ നേടിയ നിരവധി കേസുകള്‍ കൈകാര്യം ചെയ്തിട്ടുള്ള റബേക്ക ജോണ്‍ അറിയപ്പെടുന്ന ക്രിമിനല്‍ അഭിഭാഷകയാണ്. റബേക്ക മാമ്മന്‍ ജോണ്‍ മനസ് വച്ചാല്‍ ശ്രീശാന്ത് രക്ഷപെടുമോ എന്നതാണ് ഇപ്പോള്‍ ജനങ്ങള്‍ ഉറ്റുനോക്കുന്നത്. കല്‍ക്കരി അഴിമതിക്കേസില്‍ സിബിഐയുടെ അഭിഭാഷകനാണ് യു.യു ലളിത്. ഭുള്ളര്‍ കേസില്‍ ഹാജരായ അഭിഭാഷകനാണ് കെ.ടി.എസ് തുള്‍സി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News