യു.ടി.ഖാദര്‍ മകളെ കാണാന്‍ കാസര്‍കോട്ടെത്തി

കാസര്‍കോട്:കര്‍ണാടക നിയമസഭാ തിരഞ്ഞെടുപ്പില്‍ മംഗലാപുരം നിയമസഭാ മണ്ഡലത്തില്‍ വിജയിച്ച യു.ടി.ഖാദര്‍ മകളെക്കാണാന്‍ കാസര്‍കോട്ടെത്തി. വോട്ടെണ്ണുന്നതിന് മുമ്പാണ് കോണ്‍ഗ്രസ് സ്ഥാനാര്‍ഥിയായി മത്സരിച്ച അദ്ദേഹം അടുക്കത്ത്ബയല്‍ മദ്രസത്തുല്‍ ബയാന്‍ വനിതാ ഖുര്‍ആന്‍ പഠന കേന്ദ്രത്തില്‍ പഠിക്കുന്ന മകള്‍ ഹവ്വയെ കാണാനെത്തിയത്.

മകളെ കണ്ടശേഷം കുട്ടികള്‍ക്ക് മധുരപലഹാരം നല്കിയാണ് വോട്ടെണ്ണല്‍കേന്ദ്രത്തിലേക്ക് പോയത്. കോണ്‍ഗ്രസ് നേതാക്കളായ ഹര്‍ഷാദ് വൊര്‍ക്കാടി, നാസര്‍ മൊഗ്രാല്‍ എന്നിവര്‍ ഒപ്പമുണ്ടായിരുന്നു.

യു.ടി.ഖാദര്‍ മൂന്നാംതവണയും തകര്‍പ്പന്‍ വിജയം നേടി. ബി.ജെ.പി.യി.ലെ ചന്ദ്രഹാസ് ഉള്ളാളിനെ 30,650 വോട്ടുകള്‍ക്കാണ് പരാജയപ്പെടുത്തിയത്. പിതാവും മംഗലാപുരം എം.എല്‍.എ.യുമായിരുന്ന യു.ടി.ഫരീദിന്റെ മരണത്തെത്തുടര്‍ന്നാണ് ഖാദര്‍ രാഷ്ട്രീയ രംഗത്തിറങ്ങിയത്. ഉപ്പള പച്ചിലമ്പാറ സ്വദേശിയാണ് ഖാദര്‍.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,Adkathbail, Mangalore, Congress, Election, Childrens, UT KHADER,