എന്നാല് ആ മീരജാസ്മിനെ ഇന്ന് ആര്ക്കും വേണ്ടാതായിരിക്കുന്നു എന്നാണ് അടുത്തുവന്ന റിപ്പോര്ട്ടുകളില് നിന്ന് വ്യക്തമാകുന്നത്. പുതുതായി വരുന്ന ചിത്രങ്ങളില് മീരാജാസ്മിനാണ് നായിക എന്ന വാര്ത്ത വരും. തൊട്ടുപിന്നാലെ ഈ ചിത്രങ്ങളില് നിന്നെല്ലാം മീര ഔട്ടെന്ന റിപ്പോര്ട്ടും വരും. ഏറ്റവും അവസാനമായി വി.കെ പ്രകാശിന്റെ മഴനീര്ത്തുള്ളികള് എന്ന ചിത്രത്തിലും മീര ഇല്ലെന്നാണ് അറിയുന്നത്.
മഴനീര്ത്തുള്ളികളില് മീരാജാസ്മിനിനെ പരിഗണിച്ചിട്ടില്ലെന്നാണ് നായകന് അനൂപ് മേനോന് പറയുന്നത്. ആഷിക്ക് അബു സംവിധാനം ചെയ്യുന്ന മമ്മൂട്ടി ചിത്രം ഗ്യാങ്സ്റ്ററില് നായിക മീരയായിരിക്കും എന്നും റിപ്പോര്ട്ടുകളുണ്ടായിരുന്നു. എന്നാല് ഈ ചിത്രത്തിലേക്കും മറ്റൊരു നായികയെ കണ്ടെത്തിയെന്നാണ് പറയപ്പെടുന്നത്.
നേരത്തെ പ്രിയദര്ശന്റെ ഗീതാഞ്ജലിയില് മീരയുണ്ടാകുമെന്നും വാര്ത്ത വന്നിരുന്നു. എന്നാല് ചിത്രത്തില് നായിക മീരയല്ലെന്ന് തിരുത്തലുമായി പ്രിയദര്ശന് തന്നെ രംഗത്തെത്തി. സിദ്ദിഖിന്റെ ലേഡീസ് ആന്ഡ് ജെന്റില്മാനാണ് മീരയുടെ അവസാന ചിത്രം. ഈ ചിത്രത്തില് ഒന്നില് കൂടുതല് നായികമാര് അഭിനയിച്ചതിനാല് മീരയ്ക്ക് വേണ്ടത്ര പ്രാധാന്യം ലഭിച്ചിരുന്നില്ല.
അതേസമയം, തുടര്ച്ചയായി സിനിമകള് നഷ്ടപ്പെടുന്നത് മീരയുടെ സ്വഭാവമോശം കൊണ്ടാണെന്നാണ് സിനിമാ പ്രവര്ത്തകര്ക്കിടയിലെ സംസാരം. ചീത്ത പെരുമാറ്റവും സമയത്തിന് ഷൂട്ടിംഗിന് എത്താത്തതും മീരയ്ക്ക് ചിത്രങ്ങള് നഷ്ടപ്പെടുത്തി. അതേസമയം, മീരയുടെ തിരിച്ചുവരവ് ഇഷ്ടപ്പെടാത്തവരാണ് ഇത്തരം ആരോപണങ്ങള് ഉന്നയിക്കുന്നതെന്നും റിപ്പോര്ട്ടുണ്ട്.
Reporteronlive
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment