ജിജു തലശ്ശേരിയിലെത്തി; ഒത്തുകളി കേസില്‍ നിരപരാധി

കണ്ണൂര്‍: വാതുവെപ്പ് കേസില്‍ താന്‍ നിരപരാധിയാണെന്ന് ശ്രീശാന്തിനൊപ്പം അറസ്റ്റിലായ സുഹൃത്ത് ജിജു ജനാര്‍ദ്ദനന്‍ പറഞ്ഞു. കേസില്‍ ജാമ്യം ലഭിച്ചതിനു ശേഷം തലശ്ശേരിയിലെ വീട്ടിലെത്തിയതായിരുന്നു ജിജു. ശ്രീശാന്തും താനുമൊക്കെ ഈ കേസില്‍ നിരപരാ‍ധികളാണ്. ആരോപണങ്ങള്‍ ശരിയല്ലെന്നും ജിജു പ്രതികരിച്ചു.

ശ്രീശാന്തിനെ താനാണ് ഒത്തുകളിയുമായി ബന്ധപ്പെടുത്തിയതെന്ന തരത്തില്‍ അഭ്യൂഹം പ്രചരിപ്പിച്ചത് അഭിഭാഷകരും മാധ്യമങ്ങളുമാണെന്നും ജിജു പറഞ്ഞു. ശ്രീശാന്തിന് കാര്യങ്ങള്‍ എല്ലാമറിയാം. നിയമവ്യവസ്ഥയില്‍ പൂര്‍ണ വിശ്വാസമുണ്ട്. നിരപരാധിത്വം കോടതിയില്‍ തെളിയിക്കാമെന്നാണ് വിശ്വാസമെന്നും അദ്ദേഹം പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News