കെ വി സുധാകരന്‍ വി എസിന്റെ പ്രസ് സെക്രട്ടറിയാവും

തിരുവനന്തപുരം: ദേശാഭിമാനി സീനിയര്‍ ന്യൂസ് എഡിറ്റര്‍ കെ വി സുധാകരന്‍ പ്രതിപക്ഷനേതാവ് വി എസ് അച്യുതാനന്ദന്റെ പ്രസ് സെക്രട്ടറിയാവും. ബുധനാഴ്ച ചേര്‍ന്ന സി.പി.എം. സംസ്ഥാന സെക്രട്ടേറിയറ്റ് യോഗമാണ് ഇക്കാര്യം തീരുമാനിച്ചത്. വി എസിന്റെ പ്രസ് സെക്രട്ടറിയായിരുന്ന കെ ബാലകൃഷ്ണനടക്കം പേഴ്‌സനല്‍ സ്റ്റാഫില്‍പ്പെട്ട മൂന്നുപേരെ പാര്‍ട്ടിയില്‍നിന്നു പുറത്താക്കിയതിനെ തുടര്‍ന്നുണ്ടായ ഒഴിവിലാണ് പുതിയ നിയമനം. മറ്റു രണ്ടുപേരുടെ കാര്യത്തില്‍ തീരുമാനമായിട്ടില്ല.

പുറത്താക്കിയവര്‍ക്കു പകരം പുതിയ നിയമനം നടത്തുമ്പോള്‍ വി എസിന്റെ താല്‍പ്പര്യം കൂടി പരിഗണിക്കണമെന്നു സി.പി.എം. കേന്ദ്രനേതൃത്വം സംസ്ഥാന നേതൃത്വത്തിനു നിര്‍ദേശം നല്‍കിയിരുന്നു. ഇതനുസരിച്ചു കെ വി സുധാകരനെ പ്രസ് സെക്രട്ടറിയാക്കണമെന്ന വി എസിന്റെ നിര്‍ദേശം സംസ്ഥാന സെക്രട്ടേറിയറ്റ് അംഗീകരിക്കുകയായിരുന്നു.

ദേശാഭിമാനിയിലെ വി എസ് പക്ഷക്കാരനായി അറിയപ്പെടുന്ന കെ വി സുധാകരന്‍ ഔദ്യോഗികപക്ഷത്തിനും താല്‍പ്പര്യമുള്ളയാളാണ്. ആലപ്പുഴ സ്വദേശിയാണ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News