മഅദനി കര്‍ണാടക ഹൈക്കോടതിയില്‍ ജാമ്യാപേക്ഷ നല്‍കി

ബാംഗളൂര്‍: കര്‍ണാടകയില്‍ ജയിലില്‍ കഴിയുന്ന പിഡിപി നേതാവ് അബ്ദുള്‍ നാസര്‍ മഅദനി കര്‍ണാടക ഹൈക്കോടതിയില്‍ ജാമ്യാപേക്ഷ നല്‍കി. ഗുരുതരമായി പ്രമേഹ ബാധിതനായിരുന്നതിനാല്‍ അടിയന്തര ചികില്‍സ ലഭ്യമാക്കണമെന്ന വൈദ്യപരിശോധനാ റിപ്പോര്‍ട്ടിന്റെ അടിസ്ഥാനത്തിലാണ് അദ്ദേഹം വീണ്ടും കോടതിയെ സമീപിക്കുന്നത്.

ഉടന്‍ ചികില്‍സ ലഭ്യമാക്കിയില്ലെങ്കില്‍ വലതുകാല്‍ കൂടി മുറിച്ചു മാറ്റേണ്ടി വരുമെന്നും വിദഗ്ധ സംഘത്തിന്റെ നിരീക്ഷണത്തില്‍ ആറു മാസം തുടര്‍ച്ചയായി ചികില്‍സ നല്‍കണമെന്നും മെഡിക്കല്‍ റിപ്പോര്‍ട്ടില്‍ പറയുന്നുണ്ട്. ഇതിനു പുറമേ അര്‍ബുദരോഗ ബാധിതയായ മാതാവിനെ ശുശ്രൂഷിക്കാന്‍ അവസരം നല്‍കണമെന്നും ജാമ്യാപേക്ഷയില്‍ ആവശ്യപ്പെടുന്നുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News