ഫേസ്ബുക്കും മൊബൈല്‍ ന്യൂസ് സര്‍വ്വീസ് തുടങ്ങുന്നു

ട്വിറ്ററിന് പിന്നാലെ ഫേസ്ബുക്കും സുഹൃത്തുക്കളുമായി മൊബൈലിലൂടെ ബ്രേക്കിങ് ന്യൂസ് പങ്കുവെയ്ക്കാനുള്ള പദ്ധതി നടപ്പാക്കുന്നു. സുഹൃത്തുക്കളും മറ്റ് വാര്‍ത്താ ഏജന്‍സികളും പങ്കുവെയ്ക്കുന്ന വാര്‍ത്താ ഫീഡുകള്‍ പങ്കുവെയക്കാന്‍ പറ്റുന്ന തരത്തിലാണ് ഇത് ഒരുക്കുന്നത്. വോള്‍ സ്ട്രീറ്റ് ജേര്‍ണലാണ് ഫേസ്ബുക്ക് വൃത്തങ്ങളെ ഉദ്ധരിച്ച് ഈ വാര്‍ത്ത പുറത്തുവിട്ടത്.

ഈ ആപ്ലിക്കേഷന്‍ പലതരത്തിലുള്ള വാര്‍ത്താ ഏജന്‍സികളുടെയും മാധ്യമ സ്ഥാപനങ്ങളുടെയും കണ്ടന്‍റുകള്‍ അഗ്രിഗേറ്റ് ചെയ്യുകയാണ് ചെയ്യുന്നത്. ഫ്ലിപ്ബോര്‍ഡിന് സമാനമായ രീതിയിലായിരിക്കും ഫേസ്ബുക്കിന്‍റെ പുതിയ ആപ്ലിക്കേഷന്‍ എന്നാണ് റിപ്പോര്‍ട്ട്. ആപ്ലിക്കേഷന്‍ പുറത്തിറക്കുന്നതിനായി ഒരു വര്‍ഷത്തോളമായി ഫേസ്ബുക്ക് ഗവേഷണത്തിലാണെന്നും റിപ്പോര്‍ട്ട് പറയുന്നു. ഈ ആപ്ലിക്കേഷന്‍ എന്നാണ് ഫേസ്ബുക്ക് പുറത്തിറക്കുന്നത് എന്നത് സംബന്ധിച്ച വിവരങ്ങളൊന്നും പുറത്തുവിട്ടിട്ടില്ല. മാറിവരുന്ന സോഷ്യല്‍ മീഡിയാ താല്‍പര്യങ്ങളെ തൃപ്ത്തിപ്പെടുത്താനാണ് ഫേസ്ബുക്കിന്‍റെ ഈ നീക്കമെന്നാണ് കരുതപ്പെടുന്നത്.

എന്നാല്‍ ഇക്കാര്യത്തെക്കുറിച്ച് കൂടുതല്‍ കാര്യങ്ങള്‍ വ്യക്തമാക്കാന്‍ ഫേസ്ബുക്ക് തയ്യാറായിട്ടില്ല.
ഹാഷ്ടാഗ്, ആര്‍എസ്എസ് ഫീഡ് തുടങ്ങി പുതിയ ഫീച്ചറുകള്‍ ഉള്‍പ്പെടുത്താനൊരുങ്ങുകയാണെന്ന് കഴിഞ്ഞ ദിവസമാണ് ഫേസ്ബുക്ക് അറിയിച്ചത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News