ഞണ്ടിനെ പിടിക്കാനിറങ്ങിയ യുവാവ് ഒഴുക്കില്‍പ്പെട്ട് മരിച്ചു

കാസര്‍കോട് : സുഹൃത്തുക്കള്‍ക്കൊപ്പം അഴിമുഖത്ത് കക്ക പെറുക്കാന്‍ പോയ യുവാവ് ഒഴുക്കില്‍പ്പെട്ട് മരിച്ചു. അടുക്കത്ത് ബയല്‍ കേളുകുന്നിലെ ഡ്രൈവര്‍ കുമാരന്‍-സുശീല ദമ്പതികളുടെ മകന്‍ സുനില്‍കുമാര്‍ (24) ആണ് മരിച്ചത്.

ബുധനാഴ്ച വൈകിട്ട് അഞ്ചരയോടെ വീട്ടില്‍ നിന്നും നാലു സുഹൃത്തുക്കള്‍ക്കൊപ്പം അഴിമുഖത്ത് പോയതായിരുന്നു സുനില്‍കുമാര്‍. ഏഴുമണിയോടെയാണ് അപകടത്തില്‍പ്പെട്ടത്. സുഹൃത്തുക്കള്‍ രക്ഷിക്കാന്‍ ശ്രമിച്ചെങ്കിലും ഒഴുക്കില്‍പ്പെടുകയായിരുന്നു. 

നാട്ടുകാരും പോലീസും നടത്തിയ തിരച്ചിലില്‍ എട്ടുമണിയോടെയാണ് മൃതദേഹം കണ്ടെത്തിയത്. അവിവാഹിതനായ സുനില്‍കുമാര്‍ വെല്‍ഡര്‍ ജോലി ചെയ്തു വരികയായിരുന്നു.
സഹോദരങ്ങള്‍ : സുജിത് കുമാര്‍, സുചിത്ര.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News