ചന്ദ്രന്‍ പൂര്‍ണപ്രഭയില്‍

ന്യൂഡൽഹി:  ഭ്രമണപഥത്തിൽ ഭൂമിയോട് അടുത്തു വരുന്ന ചന്ദ്രനെ ഞായറാഴ്ച  പൂർണ പ്രഭയിൽ കാണാനാകും. ലോകത്തിന്‍റെ പല ഭാഗങ്ങളിൽ പല സമയത്തായിരിക്കും സൂപ്പർമൂൺ എന്ന പേരിൽ ചാന്ദ്രപ്രകാശം ഉച്ചസ്ഥായിയിലാകുന്നത്. എന്നാലും ഉദയ ചന്ദ്രനും അസ്തമയ ചന്ദ്രനും പ്രതാപികളായിരിക്കുമെന്ന് ശാസ്ത്രജ്‍ഞർ പറയുന്നു

ഭൂമിയോട് ഏറ്റവും അടുത്തുവരുന്ന ലൂണാർ പെരിജിയില്‍ ചന്ദ്രനും ഭൂമിയും തമ്മിലുള്ള അകലം 3,​63,​104 കിലോമീറ്ററായിരിക്കും. സൂര്യനും ചന്ദ്രനും ഭൂമിയും നേർരേഖയിലായിരിക്കും ഈ സമയം. സൂപ്പർമൂണിന്‍റെ സമയത്ത് ചന്ദ്രൻ 14 ശതമാനം  വലുതും ചാന്ദ്രപ്രകാശം 30 ശതമാനം ശക്തവുമായിരിക്കും.

 ഭൂമിയില്‍  ജീവജാലങ്ങളുടെ സ്വഭാവത്തിൽ വ്യത്യാസം കാണുമെന്നൊക്കെ പറയുന്നുണ്ടെങ്കിലും ഇതിന് അടിസ്ഥാനമില്ലെന്നാണ് ശാസ്ത്രജ്‍ഞർ പറയുന്നത്.
അതേസമയം ഈ പ്രതിഭാസത്തോടടുത്ത ദിനങ്ങളിൽ പ്രകൃതി ദുരന്തങ്ങളുണ്ടാകുമെന്ന ആശങ്ക പല രാജ്യങ്ങളിലുമുണ്ട്. ഇനി ചന്ദ്രൻ ഭൂമിയോട് ഏറ്റവുമടുത്തു വരുന്നത് അടുത്ത വർഷം ഓഗസ്റ്റ് പത്തിനായിരിക്കും.

.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News