ഫേസ്ബുക്കിലൂടെ 'തലാഖ്'; നിരോധിക്കണമെന്ന് മുസ്ലിം വനിതാ സംഘടന

മുംബൈ: ഫേസ്ബുക്കിലൂടെയും സ്‌കൈപ്പിലൂടെയും വിവാഹമോചനം നടത്തുന്നതിനുള്ള അനുമതി പിന്‍വലിക്കണമെന്നാവശ്യപ്പെട്ട് മുസ്ലിം വനിതാ സംഘടന. ഇത്തരം സംവിധാനങ്ങളിലൂടെ മൂന്നുവട്ടം തലാഖ് ചൊല്ലി ബന്ധം ഒഴിയുന്നത് അവസാനിപ്പിക്കണമെന്ന് ആവശ്യപ്പെട്ട് ഭാരതീയ മുസ്ലിം മഹിളാ ആന്ദോളന്‍ (ബിഎംഎംഎ) ആസാദ് മൈതാനത്ത് സംഘടിപ്പിച്ച റാലിയില്‍ ഇരുനൂറിലധികം പേരാണ് പങ്കെടുത്തത്.

മഹാരാഷ്ട്ര സര്‍ക്കാരിന്റെ വനിതകളുടെ ക്ഷേമത്തിനായി രൂപീകരിക്കുന്ന പുതിയ നിയമാവലികളില്‍ മുസ്ലിം വ്യക്തിഗത നിയമങ്ങള്‍ പരിഗണിക്കുന്നില്ല. തലാഖ് പറഞ്ഞു മൊഴി ചൊല്ലുന്നത് തടയുന്നതു വിവാദമാകുമെന്നു സര്‍ക്കാര്‍ കരുതുന്നതിനാലാണ് ഇതേക്കുറിച്ച് പരാമര്‍ശിക്കാത്തതെന്ന് സംഘടന പറയുന്നു. ഇതും കൂടി നിയമത്തില്‍ ഉള്‍പ്പെടുത്തണമെന്നാവശ്യപ്പെട്ട് പത്തോളം നഗരങ്ങളില്‍സംഘടന റാലി സംഘടിപ്പിച്ചിരുന്നു.

ഇത്തരം സൗകര്യങ്ങള്‍ മുസ്ലിം സ്ത്രീകളെ ചൂഷണം ചെയ്യാന്‍ ഉപയോഗിക്കുകയാണെന്നാണ് സംഘടന ചൂണ്ടിക്കാട്ടുന്നത്. മുസ്ലിം വ്യക്തിഗത നിയമത്തിന്റെ ചില നിര്‍ദേശങ്ങള്‍ പുനപരശോധന നടത്തണമെന്നാവശ്യപ്പെട്ട് സംഘടന ഇതിനായുള്ള സര്‍ക്കാര്‍ കമ്മിറ്റിയെ സമീപിച്ചിരുന്നെങ്കിലും അവര്‍ ഇതു പരിഗണിക്കാന്‍ തയാറായില്ലെന്നും സംഘടന ആരോപിക്കുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News