വജ്ര-സ്വര്‍ണാഭരണങ്ങള്‍ അപഹരിച്ചു: വീട്ടുജോലിക്കാരിയെ അറസ്റ്റ് ചെയ്തു

തിരുവനന്തപുരം: ഡോക്ടറുടെ വീട്ടില്‍ നിന്നും രണ്ടു ലക്ഷത്തോളം രൂപ വിലപിടിപ്പു വരുന്ന വജ്ര-സ്വര്‍ണാഭരണങ്ങള്‍ അപഹരിച്ച കേസില്‍ വീട്ടുജോലിക്കാരി അരുവിക്കര പൊട്ടച്ചിറ തടത്തരികത്ത പുത്തന്‍ വീട്ടില്‍ കുമാരി(36) മ്യൂസിയം പോലീസ് അറസ്റ്റ് ചെയ്തു.

പ്ലാമൂട്ടിലെ ഡോക്ടര്‍ ജേക്കബ് മാത്യുവിന്‍റെ വീട്ടില്‍ ജോലിക്ക് നിന്ന ഇവര്‍ അലമാരയില്‍ സൂക്ഷിച്ചിരുന്ന വജ്രം പതിപ്പിച്ച മോതിരവും സ്വര്‍ണവളകളും രണ്ടുതവണയായി അപഹരിക്കുകയായിരുന്നുവെന്ന് പോലീസ് പറഞ്ഞു. മോഷ്ടിച്ചെടുത്ത സ്വര്‍ണാഭരണങ്ങള്‍ പോലീസ് ഇവരുടെ വീട്ടില്‍ നിന്നും കണ്ടെടുത്തു.

Keyword:, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News