അന്നയും റസൂലും തമിഴില്‍, അന്നയാകാന്‍ ആന്‍ഡ്രിയ​

യുവനാ‍യകന്‍ ഫഹദ് ഫാസിലും തെന്നിന്ത്യന്‍ നായിക ആന്‍ഡ്രിയ ജര്‍മ്മിയയും തകര്‍ത്തഭിനയിച്ച മലയാള ചിത്രം തമിഴിലേക്ക് റീമേക്ക് ചെയ്യുന്നു. തമിഴിലും അന്നയായി ആന്‍ഡ്രിയ അഭിനയിക്കുമ്പോള്‍ റസൂല്‍ ആരായിരിക്കുമെന്നത് സംബന്ധിച്ച് വ്യക്തത വന്നിട്ടില്ല. ഉദയനിധി സ്റ്റാലിന്റെ നിര്‍മ്മാണക്കമ്പനിയാണ് അന്നയും റസൂലും തമിഴിലേക്ക് റീമേക്ക് ചെയ്യുന്നത്.

മലയാളത്തില്‍ ഫഹദ് ഫാസിലായിരുന്നു ആന്‍ഡ്രിയയുടെ നായകനായി അഭിനയിച്ചിരുന്നത്. റീമേക്കിലും ഫഹദിനെയും ആന്‍ഡ്രിയയെയും കേന്ദ്ര കഥാപാത്രമാക്കാനാണ് നീക്കം നടക്കുന്നത്. അതേസമയം, ഫഹദിനൊപ്പം ഇനി അഭിനയിക്കില്ലെന്ന് ആന്‍ഡ്രിയ വ്യക്തമാക്കിയിരുന്നു.

അന്നയും റസൂലും ഷൂട്ടിംഗിനിടെ ഫഹദിന് ആന്‍ഡ്രിയയോട് പ്രണയം തോന്നുകയും പിന്നീട് ഇത് മാധ്യമങ്ങളിലൂടെ വെളിപ്പെടുത്തിയതും വിവാദമായിരുന്നു. ഈ സാഹചര്യത്തില്‍ ആന്‍ഡ്രിയ ആ നിലപാടില്‍ ഉറച്ചു നില്‍ക്കുകയാണെങ്കില്‍ മറ്റൊരു നായകനെ തേടേണ്ടിവരുമെന്നാണ് റിപ്പോര്‍ട്ട്.

Keywords: Kannur, Kasargod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News