വിവാഹ വാഗ്ദാനം നല്കി പെണ്കുട്ടിയെ പ്രലോഭിപ്പിച്ച് ചാണോക്കുണ്ട് ഉറുട്ടേരിയിലെ വീട്ടില് താമസിപ്പിച്ച് പീഡിപ്പിച്ച മാടാളന്റകത്ത് അസീന്, മുഹമ്മദ്കുഞ്ഞിയുടെ കീഴില് സബ് കോണ്ട്രാക്ട് പ്രവൃത്തി നടത്തുന്ന ആളാണ്. ഉറുട്ടേരിയിലെ വീട്ടില് വച്ച് പീഡിപ്പിച്ച ശേഷം പെണ്കുട്ടിയെ അസീന് കാസര്ക്കോടേക്കാണ് കൊണ്ടുപോയത്. ഇവിടെ ഏഴുദിവസം പെണ്കുട്ടിയെ താമസിപ്പിച്ചിരുന്നു. അതില് അഞ്ച് ദിവസവും മുഹമ്മദ്കുഞ്ഞിയുടെ ഔട്ട്ഹൗസിലായിരുന്നു താമസിപ്പിച്ചതത്രെ. ഇവിടെ വച്ചും അസീന് പെണ്കുട്ടിയെ പീഡിപ്പിച്ചിരുന്നു.
അതിനിടയില് രണ്ട് ദിവസം രാത്രി അസീന് എല്ലാ കാര്യവും തന്നോട് പറഞ്ഞിട്ടുണ്ടെന്ന് പറഞ്ഞ് മുഹമ്മദ്കുഞ്ഞി പെണ്കുട്ടിയെ കയറി പിടിച്ച് പീഡിപ്പിക്കുകയായിരുന്നുവത്രെ. എന്നാല് പെണ്കുട്ടി ചെറുത്തുനില്ക്കുകയായിരുന്നു. ഇക്കാര്യം തലശേരി മഹിളാ മന്ദിരത്തില് കഴിയുന്ന പെണ്കുട്ടി പോലീസിനോട് പറഞ്ഞിരുന്നു. ഇതേ തുടര്ന്നാണ് അറസ്റ്റ്.
ഒളിവില് കഴിയുന്ന അസീന് ഇയാള് എല്ലാ സഹായവും ചെയ്തു കൊടുത്തതായും പോലീസ് അന്വേഷണത്തില് വ്യക്തമായിട്ടുണ്ട്. ഒളിവില് കഴിയുന്നതിനിടയില് അസീന് തളിപ്പറമ്പില് നിന്ന് ഇയാളെ വിളിച്ച് സാമ്പത്തിക സഹായം ആവശ്യപ്പെടുകയും മുഹമ്മദ്കുഞ്ഞി എസ്.ബി.ടി കാസര്ക്കോട് ശാഖയിലെ തന്റെ അക്കൗണ്ടില് നിന്ന് 5000 രൂപ അസീന് ട്രാന്സ്ഫര് ചെയ്തു കൊടുത്തതായുമാണ് തെളിഞ്ഞത്.
മുഹമ്മദ്കുഞ്ഞിയുടെ ഫോട്ടോ പെണ്കുട്ടിയെ കാണിച്ച് പോലീസ് കൂടുതല് തെളിവെടുപ്പ് നടത്തും. മാതമംഗലം-പാണപ്പുഴ-ഏര്യം റോഡ് റീ ടാറിംഗ് ഉള്പ്പെടെ കണ്ണൂര് ജില്ലയിലെ നിരവധി റോഡ് പ്രവൃത്തി നടത്തിയ മുഹമ്മദ്കുഞ്ഞി ഇപ്പോള് പ്രധാനമായും കാസര്ക്കോട്, കര്ണ്ണാടക പ്രദേശങ്ങളിലാണ് കരാര് പ്രവൃത്തി ചെയ്യുന്നത്.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment