ശാലുവിന് വിഐപി പരിഗണന; തിരുവനന്തപുരത്ത് എത്തിച്ചത് സണ്‍ഗ്ലാസ് ഒട്ടിച്ച താരത്തിന്റെ കാറില്‍

കോട്ടയം: സോളാര്‍ തട്ടിപ്പുകേസില്‍ അറസ്റ്റിലായ നടി ശാലു മേനോന്റെ തിരുവനന്തപുരത്തേക്കുള്ള യാത്രയും വിവാദത്തില്‍. പോലീസ് കസ്റ്റഡിയില്‍ എടുത്ത പ്രതിയെ പോലീസ് വാഹനം ഒഴിവാക്കി സ്വന്തം വാഹനത്തിലാണ് തലസ്ഥാനത്തെത്തിച്ചത്. ഉന്നത രാഷ്ട്രീയ ബന്ധമുള്ളതിനാലാണ് അറസ്റ്റ് വൈകുന്നതെന്ന ആരോപണം നിലനില്‍ക്കെ തന്നെയാണ് ശാലുവിനെ കസ്റ്റഡിയില്‍ എടുത്ത ശേഷം പ്രത്യേക പരിഗണന നല്‍കിയത് വിവാദത്തിലാകുന്നത്.

വെളളിയാഴ്ച ഉച്ചക്ക് 3.30തോടെ പോലീസ് എത്തിയപ്പോള്‍ തന്നെ ശാലു പോലീസിനൊപ്പം പോകുകയായിരുന്നു. അറസ്റ്റ് പ്രതീക്ഷിച്ചെന്നോണം പോകാന്‍ തയ്യാറായി നില്‍ക്കുകയായിരുന്നു താരം. പോലീസെത്തി ഉടനെ തന്നെ ശാലു പുറത്തെത്തി. ചെങ്ങന്നൂരെത്തിക്കുന്നു എന്നാണ് കാത്തു നിന്ന മാധ്യമപ്രവര്‍ത്തകരോട് പറഞ്ഞത്. തുടര്‍ന്ന് ശാലുവിന്റെ സിഫ്റ്റ് കാറില്‍ രണ്ട് പോലീസുകാര്‍ക്കൊപ്പം താരവും കയറുകയായിരുന്നു. പിന്നീടാണ് തിരുവനന്തപുരത്തേക്കാണ് കൊണ്ടുപോകുന്നതെന്ന് മാധ്യമങ്ങളെ അറിയിച്ചത്. സണ്‍ഗ്ലാസ് ഇട്ട കാറില്‍ കയറിറ്റിയണ് താരത്തെ തിരുവനന്തപുരത്ത് എത്തിച്ചത്.

ആഭ്യന്തര മന്ത്രി തിരുവഞ്ചൂര്‍ രാധാകൃഷ്ണനുമായുള്ള ബന്ധം കാരണമാണ് ശാലുവിനെ ഇതുവരെ അറസ്റ്റ് ചെയ്യാത്തതെന്നായിരുന്നു നേരത്തെ ഉയര്‍ന്നിരുന്ന വിമര്‍ശനം. എന്നാല്‍ അറസ്റ്റു ചെയ്ത ശേഷമുള്ള നടപടിയും വിവാദത്തില്‍ കലാശിച്ചു. ശാലുവിനെ കൊണ്ടുപോയത് ആഡംബര കാറിലാണെന്ന് സര്‍ക്കാര്‍ ചീഫ് വിപ്പ് പി സി ജോര്‍ജ് ആരോപിച്ചു. ബിജു രാധാകൃഷ്ണന്‍ കൊടുത്ത കാറിലാണ് ശാലു മേനോനെ തിരുവനന്തപുരത്തേക്ക് കൊണ്ടുപോയതെന്നാണ് പി സി ജോര്‍ജിന്റെ ആരോപണം.നേരത്ത് പി സി ജോര്‍ജ്ജാണ് ശാലുവിനെ അറസ്റ്റു ചെയ്യണമെന്ന ആവശ്യം ഉന്നയിച്ചിരുന്നത്.
Keywords: Kochi, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News