സ്ഥലം മാറി പോകുന്ന കുടുംബശ്രീ സി. ഡി. എസ് മെമ്പര്‍ സെക്രട്ടറിക്ക്‌ യാത്രയയപ്പ്

ഉദുമ: സ്ഥലം മാറി പോകുന്ന കുടുംബശ്രീ സി. ഡി. എസ് മെമ്പര്‍ സെക്രട്ടറിക്ക്‌ യാത്രയയ്പ്പ്. ആറ് വര്‍ഷമായി ഉദുമ ഗ്രാമ പഞ്ചായത്തിലെ വി. ഇ. ഒ യും കുടുംബശ്രീ സി. ഡി. എസ് മെമ്പര്‍ സെക്രട്ടറിയുമായി സേവനമനുഷ്ടിച്ചുവരികയായിരുന്ന എ.വി. സന്തോഷ് കോടോം ബേളൂര്‍ പഞ്ചായത്തിലേക്കാണ് സ്ഥലം മാറി പോകുന്നത്.

സേവനകലയളവില്‍ സ്തുതര്‍ഹമായ പ്രവര്‍ത്തനങ്ങള്‍ക്ക് ചുക്കാന്‍ പിടിച്ച സന്തോഷ് ഉദുമ പഞ്ചായത്തിലെ കുടുംബശ്രീ പ്രവര്‍ത്തനത്തെ സംസ്ഥാനതലത്തില്‍ ശ്രദ്ധയാകര്‍ശിക്കാന്‍ പര്യാപ്തമാക്കിയിരുന്നു. വിവിധ ഭാഗങ്ങളില്‍ നിന്ന് നെല്ല് സംഭരിച്ച് അരിയാക്കി കതിര്‍ റൈസ് എന്ന പേരില്‍ വിപണനം ചെയ്ത് കുടുംബശ്രീയുടെ പ്രവര്‍ത്തനം ഏറെ പ്രശംസ നേടിയിരുന്നു. 

ഉദുമ കമ്മ്യൂണിറ്റിഹാളില്‍ നടന്ന യാത്രയയ്പ്പ് സമ്മേളനം പഞ്ചായത്ത് പ്രസിഡണ്ട് കെ. കസ്തൂരി ടീച്ചര്‍ ഉദ്ഘാടനം ചെയ്തു. സി. ഡി. എസിന്റെ ഉപഹാരം പ്രസിഡണ്ട് സന്തോഷിന് കൈമാറി.സി. ഡി. എസ്.ചെയര്‍പേഴ്‌സണ്‍ ഗീതാഗോവിന്ദന്‍ അദ്ധ്യക്ഷത വഹിച്ചു. 

വൈസ് പ്രസിഡണ്ട് എ. ബാലകൃഷ്ണന്‍ സ്റ്റാന്റിംഗ് കമ്മിറ്റി ചെയര്‍മാന്‍മാരായ ആയിഷാബി, അബ്ബാസ് അലി ആസിഫ്, പ്രമീള, പഞ്ചായത്തംഗങ്ങള്‍, സി. ഡി. എസ് അംഗങ്ങള്‍, എന്‍. ആര്‍. ഇ. ജി ഓവര്‍സിയര്‍ ജയശ്രീ എന്നിവര്‍ സംസാരിച്ചു. എ. വി. സന്തോഷ് മറുപടി പ്രസംഗം നടത്തി. സി. ഡി. എസ് അംഗം ശ്രീജ സ്വാഗതവും വൈസ് ചെയര്‍ പേഴ്‌സണ്‍ പ്രേമലത നന്ദി പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News