സിപിഎമ്മിന്റെ ലക്ഷ്യം മുഖ്യമന്ത്രിയാണെന്ന് രാജ്മോഹന്‍ ഉണ്ണിത്താന്‍

കാഞ്ഞങ്ങാട്: എല്‍ഡിഎഫിന്റെ ഉപരോധ സമരം സമാധനപരമല്ലെങ്കില്‍ കൂത്തുപറമ്പ് ആവര്‍ത്തിച്ചാലും കുറ്റം പറയാന്‍ പറ്റില്ലെന്നു സംസ്ഥാന കോണ്‍ഗ്രസ് വക്താവും എഐസിസി അംഗവുമായ രാജ്മോഹന്‍ ഉണ്ണിത്താന്‍. സമരം സമാധനപരമാണെങ്കില്‍ ആരുടെയും ദേഹത്തു ഒരു നുള്ളു മണ്ണു വീഴില്ല. സമാധാനപരമായി കല്ലെറിഞ്ഞാല്‍ സമാധാനപരമായി അടിച്ചൊതുക്കും. സിപിഎം ലക്ഷ്യമിടുന്നത് യുഡിഎഫിനെ അല്ല, മുഖ്യമന്ത്രിയെയാണ്. തോക്കു ചൂണ്ടി രാജി വയ്പ്പിക്കുന്നതാണ് ഇതിനേക്കാള്‍ ഭേദമെന്നും ഉണ്ണിത്താന്‍ കാഞ്ഞങ്ങാട്ട് പത്രസമ്മേളനത്തില്‍ പറഞ്ഞു.

'374 കോടി രൂപയുടെ അഴിമതി കേസില്‍ പ്രൊസിക്യൂഷന്‍ നേരിടുന്ന പിണറായി വിജയനാണ് സമരം നയിക്കുന്നത്. സരിതയും ബിജുവും ചേര്‍ന്നു 34 പേരില്‍ നിന്നാണ് പണം തട്ടിച്ചതെങ്കില്‍ പിണറായി സര്‍ക്കാര്‍ ഖജനാവില്‍ നിന്നാണ് പണം കട്ടത്. ഇതു അപഹാസ്യമാണ്. പ്രതിപക്ഷ സ്ഥാനം തന്നെ തെറിക്കാനിരുന്ന വിഎസ് നല്ല നമസ്കാരം പറയേണ്ടത് സരിതയോടാണ്. സരിത നടത്തിയതിനു സമാനമായ അഴിമതി ബംഗാളിലുണ്ടെങ്കിലും അവിടെ സിപിഎമ്മിന്റെ നിലപാട് മറ്റൊന്നാണെന്നും രാജ്മോഹന്‍ ഉണ്ണിത്താന്‍ കൂട്ടിച്ചേര്‍ത്തു.

പി.സി. ജോര്‍ജും കെ. മുരളീധരനും പറയുന്ന കാര്യങ്ങള്‍ വ്യക്തിപരമാണെന്നും ഇക്കാര്യങ്ങള്‍ ഗൌനിക്കുന്നില്ലെന്നും രാജ്മോഹന്‍ ഉണ്ണിത്താന്‍ പറഞ്ഞു. കേരളാ കോണ്‍ഗ്രസിന്റെ അഭിപ്രായം പറയേണ്ടത് കെ.എം. മാണിയാണ്. കോണ്‍ഗ്രസിലെ 38 എംഎല്‍എമാരില്‍ ഒരാള്‍ മാത്രമാണ് കെ.മുരളീധരനെന്നും രാജ്മോഹന്‍ ഉണ്ണിത്താന്‍ അറിയിച്ചു.

Keywords: Malappuram News, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News