ആയിരങ്ങള്‍ മദ്രസാ മുറ്റത്തേക്ക്; എസ് എസ് എഫ് പ്രവേശനോത്സവം ശനിയാഴ്ച

കാസര്‍കോട്: പുതിയ അധ്യയന വര്‍ഷം വിദ്യാരംഭം കുറിക്കാന്‍ മദ്രസയിലേക്ക്ത്തുന്ന കൊച്ചുകുട്ടികളെ വരവേല്‍ക്കാന്‍ നാടെങ്ങും വന്‍ ഒരുക്കം. പുതുതായി അക്ഷരം കുറിക്കാനെത്തുന്ന കുരുന്നുകളെ വരവേല്‍ക്കുന്നതിന്റെ ഭാഗമായി ജില്ലയിലെ മുഴുവന്‍ മദ്രസകളിലും പ്രവേശനോത്സവം സംഘടിപ്പിക്കും. 

എസ് എസ് എഫ് മ്രദസ പ്രവേശനോത്സവത്തിന്റെ ജില്ലാ തല ഉദ്ഘാടനം ശനിയാഴ്ച രാവിലെ 7 മണിക്ക് ശിറിയ ലത്വീഫിയ സെക്കന്ററി മദ്രസയില്‍ നടക്കും. സമസ്ത കേന്ദ്ര മുശാവറ അംഗം ശൈഖുനാ എം അലികുഞ്ഞി മുസ്‌ലിയാര്‍ ഉദ്ഘാടനം ചെയ്യും. എസ് എസ് എഫ് ജില്ലാ പ്രസിഡന്റ് അബ്ദുല്‍ റസാഖ് സഖാഫി കോട്ടക്കുന്ന് അധ്യക്ഷത വഹിക്കും. എസ് വൈ എസ് ജില്ലാ പ്രസിഡന്റ് പള്ളങ്കോട് അബ്ദുല്‍ ഖാദിര്‍ മദനി സന്ദേശ പ്രഭാഷണം നടത്തും. ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് അബ്ദുല്‍ ഖാദിര്‍ മദനി, എസ് ജെ എം ജില്ലാ പ്രസിഡന്റ് കാട്ടിപ്പാറ അബ്ദുല്‍ ഖാദിര്‍ സഖാഫി, എസ് വൈ എസ് സോണല്‍ സെക്രട്ടറി കന്തല്‍ സൂപ്പി മദനി, ലത്വീഫിയ്യ ജനറല്‍ മാനേജര്‍ പാത്തൂര്‍ മുഹമ്മദ് സഖാഫി, എസ് എസ് എഫ് ജില്ലാ ഭാരവാഹികള്‍ സംബന്ധിക്കും. 

പ്രവേശനോത്സവിന്റെ ബദിയട്ക്ക ഡിവിഷന്‍ തല ഉദ്ഘാടനം ബദിയടുക്ക് ഫത്ഹ് മദ്രസയില്‍ ബി എസ് അബ്ദുല്ല കുഞ്ഞി ഫൈസി ഉദ്ഘാടനം ചെയ്തു. ഉദുമ ഡിവിഷന്‍ ഉദ്ഘാടനം ചേടിക്കുണ്ടിലും കാഞ്ഞങ്ങാട് ഡിവിഷനില്‍ ക്ലായിക്കോട് സുന്നീ മദ്രസയിലും നടക്കും. തൃക്കരിപ്പൂര്‍ ഡിവിഷന്‍ തല ഉദ്ഘാടനം വെള്ളച്ചാല്‍ സുന്നീ മദ്രസയില്‍ സയ്യിദ് ത്വയ്യിബുല്‍ ബുഖാരി നിര്‍വ്വഹിക്കും. 

എസ് എസ് എഫ് സംസ്ഥാന വ്യാപകമായി ആചരിക്കുന്ന മത വിദ്യാഭ്യാസ കാമ്പയിന്റെ ഭാഗമായാണ് പ്രവേശനോത്സവങ്ങള്‍ സംഘടിപ്പിക്കുന്നത്. കാമ്പയിന്റെ ഭാഗമായി പാഠ പുസ്തക വിതരണം, ബോധനം, മുതഅല്ലിം സ്‌കോളര്‍ഷിപ്പ് തുടങ്ങിയ പ്രവര്‍ത്തനങ്ങളും നടക്കും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News