ശാലു വീട്ടില്‍ എത്തി; അരവിന്ദം വീണ്ടും സജീവമായി

ചങ്ങനാശേരി: ശാലു എത്തി; പെരുന്ന അരവിന്ദം വീണ്ടും സജീവമായി. സോളാര്‍ തട്ടിപ്പു കേസില്‍ ജാമ്യം ലഭിച്ച നടി ശാലു മേനോന്‍ ശനിയാഴ്ച രാത്രി വൈകിയാണ് സ്വന്തം വീടായ അരവിന്ദത്തിലെത്തിയത്.

ജയില്‍മോചിതയായ ശാലുവിനെ മാതാവ് കലാദേവിയും മാതൃസഹോദരന്‍ അനില്‍ മേനോനും ചേര്‍ന്നാണ് കാര്‍മാര്‍ഗം വീട്ടിലെത്തിച്ചത്. ശാലു എത്തുന്നതറിഞ്ഞ് മാധ്യമ പ്രവര്‍ത്തകരടക്കം നിരവധിപ്പേര്‍ വീടിനുമുമ്പില്‍ കാത്തുനിന്നിരുന്നു. എന്നാല്‍ ഏറെ വൈകിയാണ് ശാലു എത്തിയത്.

'കേസ് കോടതിയിലായതിനാല്‍ ഞാന്‍ ഒന്നും പ്രതികരിക്കുന്നില്ല. എന്നോടൊന്നും ചോദിക്കരുത്, എന്നെ ഉപദ്രവിക്കാതെ വെറുതേ വിട്ടേക്ക്.എന്നായിരുന്നു ശാലുവിന്റെ പ്രതികരണം

സോളാര്‍ തട്ടിപ്പ് കേസുമായി ബന്ധപ്പെട്ട് സിനിമാ-സീരിയല്‍ താരവും പ്രശസ്ത നര്‍ത്തകിയുമായ ശാലു മേനോനെ ജൂലൈ അഞ്ചിന് ഉച്ചകഴിഞ്ഞ് 3.30നാണ് ചങ്ങനാശേരി സര്‍ക്കിള്‍ ഇന്‍സ്‌പെക്ടര്‍ വി.എ. നിഷാദ്‌മോനും സംഘവും ചേര്‍ന്ന് പെരുന്ന ഹിദായത്ത് നഗറിലുള്ള വീട്ടില്‍ നിന്നും കസ്റ്റഡിയിലെടുത്തത്. കസ്റ്റഡിയിലെടുത്ത ശാലുവിനെ അന്വേഷണ സംഘത്തിന്റെ ചെങ്ങന്നൂരുള്ള ഓഫീസിലേക്കും തുടര്‍ന്ന് തിരുവനന്തപുരത്തേക്കും കൊണ്ടുപോയി അറസ്റ്റ് രേഖപ്പെടുത്തുകയായിരുന്നു. 

തുടര്‍ന്ന് നീണ്ട ചോദ്യം ചെയ്യലുകള്‍ക്ക് ശേഷം കോടതിയില്‍ ഹാജരാക്കി റിമാന്‍ഡ് ചെയ്യപ്പെട്ട ശാലു ജയില്‍വാസത്തിനു ശേഷം 55 ദിവസങ്ങള്‍ക്ക് പിന്നിടുമ്പോഴാണ് വീട്ടില്‍ തിരികെയെത്തിയത്. ശാന്തതയിലായിരുന്ന അരവിന്ദവും ശാലു നടത്തിവന്ന ജയകേരള നൃത്തകലാലയവും ശാലു മടങ്ങിയെത്തിയതോടെ വീണ്ടം സജീവമായി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Solar, Shalu Menon