ഖത്തര്‍ ഇബ്രാഹിം ഹാജിക്ക് സി.എം. ഉസ്താദ് സ്മാരക കാരുണ്യശ്രേഷ്ഠ അവാര്‍ഡ്

കാസര്‍കോട്: ഖത്തര്‍ ഇബ്രാഹിം ഹാജി കളനാടിന് ദുബൈ കെ.എം.സി.സി. ഉദുമ മണ്ഡലം കമ്മിറ്റി ഏര്‍പെടുത്തിയ പ്രഥമ സി.എം. ഉസ്താദ് സ്മാരക കാരുണ്യശ്രേഷ്ഠ അവാര്‍ഡ്. ജീവകാരുണ്യ, ദീനീ വിദ്യാഭ്യാസ, രാഷട്രീയ മേഖലകളിലെ ആത്മാര്‍ത്ഥമായ പ്രവര്‍ത്തനങ്ങളിലൂടെ സമൂഹത്തിന്റെ ഉന്നമനത്തിന് വേണ്ടി നടത്തിവരുന്ന സേവനങ്ങള്‍ മുന്‍നിര്‍ത്തിയാണ് അവാര്‍ഡ്.

ആഗസ്റ്റ് 16ന് വൈകിട്ട് കളനാട്ട് നടക്കുന്ന കെ.എം.സി.സി. മീറ്റില്‍ മുസ്ലിം ലീഗ് സംസ്ഥാന വൈസ് പ്രസിഡന്റും സിഡ്‌കോ ചെയര്‍മാനുമായ സി.ടി. അഹ്മദലി അവാര്‍ഡ് സമ്മാനിക്കും.

കളനാട് ഹൈദ്രോസ് ജമാഅത്ത് പ്രസിഡന്റായ ഇബ്രാഹിം ഹാജി, കളനാട് ജമാഅത്ത്ഹയര്‍സെക്കണ്ടറി സ്‌കൂള്‍ ചെയര്‍മാന്‍, കീഴൂര്‍ സംയുക്ത ജമാഅത്ത് വൈസ് പ്രസിഡന്റ്, എം.എം.എഫ്. ജില്ലാ സെക്രട്ടറി, മണ്ഡലം പ്രസിഡന്റ്, സംസ്ഥാന പ്രവര്‍ത്തക സമിതി അംഗം, കോട്ടിക്കുളം റെയ്ഞ്ച് മാനേജ്‌മെന്റ് പ്രസിഡന്റ്, സി.എം. ഉസ്താദ് ഇസ്ലാമിക്ക് സെന്റര്‍ പ്രസിഡന്റ്, എസ്.വൈ.എസ്. ഉദുമ മണ്ഡലം ട്രഷറര്‍, മുസ്ലിം ലീഗ് ജില്ലാ കൗണ്‍സിലര്‍, കളനാട് ശാഖാ പ്രസിഡന്റ് എന്നീ നിലകളിലും പ്രവര്‍ത്തിച്ചു വരികയാണ്.

അവാര്‍ഡ് പ്രഖ്യാപനയോഗത്തില്‍ ദുബൈ കെ.എം.സി.സി. ഉദുമ മണ്ഡലം ഭാരവാഹികളായ ഹംസ തൊട്ടി, എന്‍.എ. മുഹമ്മദ് കുഞ്ഞി, ടി.ആര്‍. ഹനീഫ്, റഷീദ് ഹാജി, റാഫി പള്ളിപ്പുറം, കെ.വി. അബ്ബാസ്, ഇല്ല്യാസ് കട്ടക്കാല്‍, ഷബീര്‍ കീഴൂര്‍, റഫീഖ് മാങ്ങാട്, ഫൈസല്‍ പൊവ്വല്‍ എന്നിവര്‍ സംബന്ധിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News