Latest News

ബാലകൃഷ്ണന്‍ വധം: രണ്ട് പേര്‍ കൂടി അറസ്റ്റില്‍


കാഞ്ഞങ്ങാട്: സി.പി.എം. പ്രവര്‍ത്തകന്‍ ഉദുമ മാങ്ങാട്ടെ എം.ബി. ബാലകൃഷ്ണനെ (45) കൊലപ്പെടുത്തിയ കേസില്‍ രണ്ടു പേരെ കൂടി ഹൊസ്ദുര്‍ഗ് സി.ഐ. ബാബു പെരിങ്ങയത്ത് അറസ്റ്റു ചെയ്തു.
മാങ്ങാട് ആര്യടുക്കം കോളനിയിലെ കെ.വി. ശ്യാം മോഹന്‍ (24), ഉദുമ എരോലിലെ ക്വാട്ടേഴ്‌സില്‍ താമസിക്കുന്ന ശ്രീജയന്‍ (38) എന്നിവരാണ് അറസ്റ്റിലായത്. ഇരുവരും കോണ്‍ഗ്രസ്സിന്റെ സജീവ പ്രവര്‍ത്തകരാണ്. ശ്യാം മോഹനെ ചൊവ്വാഴ്ച ചെറുവത്തൂര്‍ റെയില്‍വേ സ്‌റ്റേഷനില്‍ വെച്ചും ശ്രീജയനെ ബുധനാഴ്ച നാലാംവാതുക്കലില്‍ വെച്ചുമാണ് അറസ്റ്റ് ചെയ്തതെന്ന് പോലീസ് പറഞ്ഞു.

കൊലകേസിലെ മുഖ്യപ്രതി ആര്യടുക്കം കോളനിയിലെ കുട്ടാപ്പി എന്ന പ്രജിത്തിനെ ചോദ്യം ചെയ്തപ്പോഴാണ് സംഭവത്തില്‍ കൂടുതല്‍ പേര്‍ ഉള്‍പ്പെട്ടതായി വിവരം ലഭിച്ചത്.
ബാലകൃഷ്ണന്റെ നീക്കങ്ങള്‍ കുട്ടാപ്പിയെ അപ്പപ്പോള്‍ അറിയിച്ചത് ശ്യാം മോഹനാണത്രെ. ബൈക്കില്‍ വരികയായിരുന്ന ബാലകൃഷ്ണനെ തടഞ്ഞു നിര്‍ത്തിയതും ശ്യാം മോഹനായിരുന്നു.
കൃത്യം നിര്‍വഹിച്ചതിനു ശേഷം കുട്ടാപ്പിയെയും ശ്യാം മോഹനെയും സ്ഥലം വിടാന്‍ സഹായിച്ചത് ശ്രീജയനാണെന്ന് ചോദ്യം ചെയ്യലില്‍ വ്യക്തമായി.

ഇരുവരെയും ശ്രീജയന്‍ ബൈക്കില്‍ ചെര്‍ക്കള വഴി കാസര്‍കോട്ടെത്തിച്ചു. കാസര്‍കോട്ടുനിന്നാണ് പ്രതികള്‍ ഒളിവില്‍ പോയതെന്ന് പൊലീസ് പറഞ്ഞു. ശ്രീജയന്റെ ബൈക്ക് പൊലീസ് കസ്റ്റഡിയിലെടുത്തു.
  ബാലകൃഷ്ണനെ കുത്താനുപയോഗിച്ച പ്രത്യേക തരം കത്തി അന്വേഷണ സംഘം ബുധനാഴ്ച കണ്ടെത്തിയിരുന്നു. കൊല നടന്ന സ്ഥലത്ത് നിന്ന് അല്‍പ്പം അകലെയുള്ള തോട്ടില്‍ പ്ലാസ്റ്റിക് മാലിന്യങ്ങള്‍ക്കടിയില്‍ നിന്നാണ് കത്തി കണ്ടെത്തിയത്. പ്ലാസ്റ്റിക് ബാഗില്‍ പൊതിഞ്ഞതിനാല്‍ കത്തിയിലെ ചോരപ്പാട് മാഞ്ഞിട്ടില്ല. 46 സെന്റിമീറ്റര്‍ നീളമുള്ള കത്തി ബാംഗ്ലൂരില്‍ നിന്നാണ് കൊണ്ടുവന്നതെന്ന് വ്യക്തമായിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News


No comments:

Post a Comment

Copyright © 2019 MALABAR FLASH | Design & Maintained by KSDM

Powered by Blogger.