ഹൊസ്ദുര്‍ഗ് ലയണ്‍സ് ക്ലബ്ബിന്റെ ഓണാഘോഷം മോനാച്ച സെന്റ് ജോണ്‍സ് റിഹാബിലിറ്റേഷന്‍ സെന്ററില്‍

കാഞ്ഞങ്ങാട് : മോനാച്ചയിലുള്ള സെന്റ് ജോണ്‍സ് റിഹാബിലിറ്റേഷന്‍ സെന്ററില്‍ വ്യത്യസ്തതയാര്‍ന്ന ഓണാഘോഷ പരിപാടി സംഘടിപ്പിച്ചു. സെന്ററിലെ മാനസീക വൈകല്യമുള്ള അന്തേവാസികള്‍ക്കൊപ്പം ലയണ്‍സ് കുടുംബാംഗങ്ങള്‍ വിവിധ കലാകായിക പരിപാടികളില്‍ പങ്കെടുത്തു. 

ആഘോഷ പരിപാടികള്‍ കാഞ്ഞങ്ങാട് നഗരസഭ വൈസ് ചെയര്‍മാന്‍ പ്രഭാകരന്‍ വാഴുന്നോറടി ഉദ്ഘാടനം ചെയ്തു. ക്ലബ്ബ് പ്രസിഡണ്ട് അഡ്വ. കെ രമേശ് അധ്യക്ഷത വഹിച്ചു. സെന്റര്‍ ഡയരക്ടര്‍ ബ്രദര്‍ ഡാനിയല്‍, നളിനി പ്രഭാകരന്‍ എന്നിവര്‍ സംസാരിച്ചു. ദേവസ്യ ആന്റണി സ്വാഗതവും, ക്ലബ്ബ് സെക്രട്ടറി ഇ കുര്യന്‍ നന്ദിയും പറഞ്ഞു.

സെന്ററിലെ അന്തേവാസി അനു സ്‌കറിയയുടെ മാവേലി വേഷം ശ്രദ്ധയാകര്‍ഷിച്ചു. വിജയികള്‍ക്ക് സമമാനദാനവും, വിപുലമായ ഓണസദ്യയും നടത്തി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News