മമ്മൂട്ടി വീണ്ടും വക്കീലാകുന്നു

ജീവിതത്തില്‍ വക്കീലിന്റെ കുപ്പായം അണിയാന്‍ സമയം കിട്ടുന്നതിനുമുമ്പേ സിനിമയിലെത്തിയ മമ്മൂട്ടി സിനിമയില്‍ വീണ്ടും വക്കീലിന്റെ കുപ്പായത്തില്‍ സ്‌ക്രീനിലെത്തുന്നു. ഇത്തവണ വി.കെ.പ്രകാശ് സംവിധാനം ചെയ്യുന്ന ചിത്രത്തിലാണ് മമ്മൂട്ടിയുടെ അഭിഭാഷക വേഷം പ്രേക്ഷകര്‍ക്ക് ആസ്വദിക്കാന്‍ സാധിക്കുക.

നേരത്തെ നിരവധി ചിത്രങ്ങളില്‍ മമ്മൂട്ടി വക്കീല്‍വേഷത്തിലെത്തിയിട്ടുണ്ട്. ഒടുവില്‍ മോഹന്‍ലാലിനൊപ്പമുള്ള നരസിംഹത്തിലേയും, ട്വന്റി 20യിലെയും വേഷങ്ങളും സംഭാഷണരീതിയും പ്രേക്ഷക ശ്രദ്ധ പിടിച്ചുപറ്റിയിരുന്നു. വി.കെ.പിയും മമ്മൂട്ടിയും ഒരുമിക്കുന്ന ചിത്രത്തിന്റെ കഥയും തിരക്കഥയും രചിക്കുന്നതു വൈ.വി.രാജേഷാണ്.

മമ്മൂട്ടിയോടൊപ്പം റഹ്മാനും പ്രധാന വേഷത്തിലഭിനയിക്കുന്നുണ്ട്. ബ്യൂട്ടിഫുളിനുശേഷം വി.കെ.പിയുടെ ചിത്രങ്ങള്‍ക്കു വന്‍വിജയം നേടാന്‍ സാധിച്ചിരുന്നില്ല. മമ്മൂക്കയും റഹ്മാനും ഒരുമിക്കുന്ന ഈ ചിത്രത്തിലൂടെ ഒരു തിരിച്ചുവരവിനു ശ്രമിക്കുകയാണ് വി.കെ.പ്രകാശ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Malayalam Movie, Mammooty, advt