നിവിന്‍ പോളിയുമായി ബന്ധപ്പെട്ട് ഉയര്‍ന്ന ആരോപണങ്ങളില്‍ കഴമ്പില്ലെന്ന് മോഹന്‍ലാല്‍

നിവിന്‍ പോളിയുമായി ബന്ധപ്പെട്ട് ഉയര്‍ന്ന ആരോപണങ്ങളില്‍ കഴമ്പില്ലെന്ന് മോഹന്‍ലാല്‍ വ്യക്തമാക്കി. തന്റെ ഫേസ് ബുക്ക് പേജിലൂടെയാണ് വിവാദത്തെക്കുറിച്ച് ലാല്‍ പ്രതികരിച്ചത്. മോഹന്‍ലാലിനെ നിവിന്‍ പോളി അപമാനിച്ചെന്ന തരത്തില്‍ വാര്‍ത്തകള്‍ പ്രചരിച്ചപ്പോഴാണ് വിശദീകരണവുമായി താരം തന്നെ രംഗത്തെത്തിയത്.

താന്‍ മോഹന്‍ലാലിനെ അപമാനിച്ചുവെന്നാരോപിച്ച് സോഷ്യല്‍ നെറ്റ് വര്‍ക്കിങ് സൈറ്റുകളില്‍ വരുന്ന വാര്‍ത്തകള്‍ തെറ്റാണെന്ന് യുവതാരം നിവിന്‍ പോളിയും വ്യക്തമാക്കിയിരുന്നു. തന്റെ ഫെയ്‌സ്ബുക്ക് പേജിലൂടെയാണ് നിവിന്‍ പോളി ഇക്കാര്യം വ്യക്തമാക്കിയത്.

തന്നെക്കുറിച്ച് പ്രചരിക്കുന്നത് വ്യാജ വാര്‍ത്തയാണ്. ഒരിക്കലും താന്‍ അങ്ങനെ ചെയ്തിട്ടില്ലെന്ന് അദ്ദേഹം പറയുന്നു. തന്നെക്കുറിച്ച് പ്രചരിക്കുന്ന വാര്‍ത്തയില്‍ ദു:ഖമുണ്ടെന്നും നിവിന്‍ പോളി പറഞ്ഞു.

ലാലിനോടോ മറ്റേതെങ്കിലും താരത്തിനോടോ താന്‍ ഒരിക്കലും അനാദരവ് കാണിച്ചിട്ടില്ല. മോഹന്‍ലാലിനോട് ബഹുമാനം മാത്രമേ ഉള്ളൂവെന്നും അദ്ദേഹം പറയുന്നു.

പ്രിയദര്‍ശന്‍ സംവിധാനം ചെയ്യുന്ന പുതിയ സിനിമയില്‍ അഭിനയിക്കുവാനായി മോഹന്‍ലാല്‍ വിളിച്ചപ്പോള്‍ നിവിന്‍ പോളി ഫോണ്‍ എടുത്തില്ലെന്നാണ് സോഷ്യല്‍ നെറ്റ് വര്‍ക്കിങ് സൈറ്റുകളില്‍ പ്രചരിച്ചത്.

 

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Mohanlal, Nivin pauly