തന്റെ ഏറ്റവും വലിയ വിമര്‍ശക താന്‍ തന്നെയാണെന്നു ബോളിവുഡ് നടി പ്രിയങ്ക ചോപ്ര

തന്റെ ഏറ്റവും വലിയ വിമര്‍ശക താന്‍ തന്നെയാണെന്നു ബോളിവുഡ് നടി പ്രിയങ്ക ചോപ്ര. സിനിമാരംഗത്തെ തന്റെ സമകാലീനരായ നടിമാര്‍ എന്തു ചെയ്യുന്നുവെന്നതിനെ ഓര്‍ത്ത് താന്‍ ആകുലപ്പെടാറില്ലെന്നും ബോളിവുഡിലെ മുന്‍നിര നടിമാരിലൊരാളായ പ്രിയങ്ക ഒരു അഭിമുഖത്തില്‍ പറഞ്ഞു.

എന്നെപ്പോലെയാണ് മറ്റു നടിമാരും. എന്നാല്‍ അവര്‍ എന്തു ചെയ്യുന്നു, എന്തു ചെയ്യുന്നില്ല എന്നതിനെ ഓര്‍ത്ത് ഞാന്‍ ആശങ്കപ്പെടുന്നില്ല. മറ്റുള്ളവരോടല്ല ഞാന്‍ മത്സരിക്കുന്നത്. എന്നോടു തന്നെയാണ്. മറ്റു നടിമാര്‍ എന്തെങ്കിലും ചെയ്യുന്നത് എന്റെ കരിയറിനെ സ്വാധീനിക്കുന്നില്ല- പ്രിയങ്ക പറഞ്ഞു.

ബോളിവുഡിലെ ഇപ്പോഴത്തെ സ്ഥാനം കൊണ്ട് താന്‍ തൃപ്തയാണ്. ആരെങ്കിലും തന്റെ സ്ഥാനം കൈയടക്കുമോയെന്ന ഭയവുമില്ല. സിനിമയില്‍ തനിക്ക് തന്റേതായ സ്ഥാനം ഉണ്ടെന്നും പ്രിയങ്ക പറഞ്ഞു.

രാംചരണ്‍ തേജ നായകനായ സഞ്ജീര്‍ എന്ന സിനിമയാണ് ഏറ്റവും ഒടുവില്‍ പ്രിയങ്കയുടേതായി പുറത്തിറങ്ങിയ ചിത്രം. ഒളിംപിക്‌സില്‍ മെഡല്‍ നേടിയ ബോക്‌സിംഗ് താരം മേരി കോമിന്റെ ജീവിതകഥ പറയുന്ന ചിത്രത്തിലാണ് പ്രിയങ്ക ഇപ്പോള്‍ അഭിനയിച്ചു കൊണ്ടിരിക്കുന്നത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Bollywood, Actress, Priyanka Chopra