ആത്മഹത്യചെയ്യാൻ മരത്തിൽ കയറി കഴുത്തിൽ കുരുക്കിട്ടയാൾ മരത്തിലിരുന്ന് ഉറങ്ങിപ്പോയി

ആറ്റിങ്ങൽ: മദ്യലഹരിയിൽ ആത്മഹത്യചെയ്യാൻ മരത്തിൽ കയറി കഴുത്തിൽ കുരുക്കിട്ടയാൾ മരത്തിലിരുന്ന് ഉറങ്ങിപ്പോയി. ഒടുവിൽ ഫയർ ഫോഴ്സ് താഴെയിറക്കാൻ ശ്രമിച്ചപ്പോൾ ആത്മഹത്യാഭീഷണിയായി. എങ്കിലും ഫയർ ഫോഴ്സ് ഇയാളെ അനുനയിപ്പിച്ച് താഴെയിറക്കി.

ഉത്രാടരാത്രിയിൽ 1 മണിയോടെയാണ് സംഭവം. ശാസ്തവട്ടം കടയിൽ വീട്ടിൽ ബിജു(45 ), വീട്ടിലെ കശപിശയ്കുശേഷം വീടിന് മുന്നിലുള്ള 60 അടി പൊക്കമുള്ള ആൽമരത്തിൽ തൂങ്ങിമരിക്കാനായി കയറി. മരത്തിൽ കയറുകെട്ടി,കഴുത്തിൽ കുരുക്കുമിട്ടു. പിന്നെ എന്താണ് സംഭവിച്ചതെന്നറിയില്ല കക്ഷി ഉറങ്ങിപ്പോയി.

വാടകവീട്ടിൽ താമസിക്കുന്ന ഇയാളെ തിരക്കിയിറങ്ങിയ വീട്ടുടമസ്ഥനാണ് ഇയാൾ ആൽമരത്തിന്റെ ഏറ്റവും മുകളിലത്തെ കൊന്പിൽ കഴുത്തിലെ കുരുക്കുമായി ഇരുന്നുറങ്ങുന്നതാണ് ആൾക്കാർ കണ്ടത്. തുട‍ർന്ന് വീട്ടുടമ ഫയ‍ർഫോഴ്സിനെ വിവരമറിയിക്കുകയായിരുന്നു. ഫയർ ഫോഴ്സ് എത്തി അനുനയിപ്പിച്ച് താഴെയിറങ്ങാൻ അഭ്യർത്ഥിച്ചെങ്കിലും അയാൾ വഴങ്ങിയില്ല. ആത്മഹത്യ ചെയ്യുമെന്നായി ഭീഷണി. ഒടുവിൽ ഫയർ ഫോഴ്സ് കയർ കെട്ടി ഇയാളെ താഴെയിറക്കി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Atingal, Suiside Attempt, Biju