അഭിഷേക് - ഐശ്വര്യ ദമ്പതികള്‍ വീണ്ടും വെളളിത്തിരയില്‍

ഗോരംഗ് ദോഷി നിര്‍മിക്കുന്ന ഹാപ്പി ആനിവേഴ്‌സറിയിലൂടെ അഭിഷേക്- ഐശ്വര്യ ദമ്പതികള്‍ വെളളിത്തിരയില്‍ വീണ്ടും ഒന്നിക്കുന്നതായി റിപ്പോര്‍ട്ട്. ഠായി അക്ഷര്‍ പ്രേം കെ, കുഛ് നാ കഹോ, ഗുരു, ധൂം 2, സര്‍ക്കാര്‍ രാജ്, രാവണ്‍ എന്നീ ചിത്രങ്ങളിലാണ് ഇവര്‍ മുമ്പ് ഒന്നിച്ച് അഭിനയിച്ചത്. 65 കോടിയാണ് ഹാപ്പി ആനിവേഴ്‌സറിയുടെ നിര്‍മാണച്ചെലവ്.

അടുത്ത വര്‍ഷം ആദ്യം ചിത്രീകരണം തുടങ്ങും. ദക്ഷിണാഫ്രിക്കയിലാണ് ചിത്രീകരണം. 2011 ല്‍ മകള്‍ ആരാധ്യയുടെ പിറവിക്കുശേഷം വെളളിത്തിരയിലേക്കുളള ഐശ്വര്യയുടെ മടങ്ങിവരവിനും ഹാപ്പി ആനിവേഴ്‌സറി വേദിയാകുന്നു. വിവാഹജീവിതത്തിന്റെ സമസ്ത സൗന്ദര്യങ്ങളും ചിത്രത്തില്‍ പരാമര്‍ശിക്കപ്പെടുമെന്നാണു സൂചന. അദ്മാന്‍ പ്രഹ്‌ളാദ് കക്കറാണ് ചിത്രത്തിന്റെ സംവിധായകന്‍.

സിനിമാലോകത്തെ മാതൃകാദമ്പതികളായ അഭിഷേകിനും ഐശ്വര്യയ്ക്കും ഇണങ്ങുന്ന കഥയും തിരക്കഥയുമാണ് ഹാപ്പി ആനിവേഴ്‌സറിയുടേത്. അതിനാലാണ് ഇവരെ ചിത്രത്തിലേക്കു നിശ്ചയിച്ചതെന്ന് നിര്‍മാതാവ് ഗോരംഗ് ദോഷി അറിയിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Bollywood, Abhishek Bachan, Aiswarya