കാറും വീടും തകര്‍ത്ത സംഭവത്തില്‍ സിപിഎം പ്രവര്‍ത്തകരായ മാണിക്കോത്തെ ധനേഷ്, കുട്ടന്‍ എന്ന ശ്രീജിത്ത്, സുനില്‍, സുധീഷ്, മഹേഷ് എന്നിവര്‍ക്കെതിരെയാണ് പോലീസ് രണ്ട് കേസുകള്‍ രജിസ്റ്റര്‍ ചെയ്തത്. ധനേഷിനെ ഹൊസ്ദുര്‍ഗ് എസ്‌ഐ ഇ വി സുധാകരന്‍ അറസ്റ്റ് ചെയ്തു.
ഞായറാഴ്ച രാത്രി 12.30 മണിയോടെയാണ് അനൂപിന്റെ കെഎല്‍60 എഫ് -3999 നമ്പര്‍ ആള്‍ട്ടോ കാര്‍ ധനേഷിന്റെ നേതൃത്വത്തിലുള്ള സംഘം അടിച്ചുതകര്‍ത്തത്. കഴിഞ്ഞദിവസം രാത്രി 7.30 മണിയോടെ ജോലി കഴിഞ്ഞ് വീട്ടില്‍ തിരിച്ചെത്തിയ അനൂപ് കാര്‍ പോര്‍ച്ചില്‍ വാഹനം നിര്‍ത്തിയിട്ടതായിരുന്നു. രാത്രി 10.30 മണിയോടെ ഭക്ഷണം കഴിച്ച ശേഷം അനൂപും കുടുംബവും കിടന്നുറങ്ങിയതായിരുന്നു. രാത്രി 12.30 മണിയോടെ ശബ്ദം കേട്ട് വീട്ടില്‍ നിന്നും പുറത്തിറങ്ങിയപ്പോള്‍ സംഘം കാര്‍ അടിച്ചുതകര്‍ക്കുന്നതാണ് കണ്ടത്. അനൂപിനെ കൊല്ലുമെന്ന് ഭീഷണിപ്പെടുത്തിയ ശേഷം സംഘം തിരിച്ചുപോകുകയായിരുന്നു.
ഞായറാഴ്ച പുലര്‍ച്ചെ 1.30 മണിയോടെയാണ് അരുണിന്റെ വീടിന് നേരെ ആക്രമണമുണ്ടായത്. അരുണ്‍, മാതാവ് ബേബി, സഹോദരി അശ്വതി, പിതാവ് ഗംഗാധരന്റെ മാതാവ് കുഞ്ഞിപ്പെണ്ണ് എന്നിവരാണ് വീട്ടില്‍ താമസം. ഗംഗാധരന്‍ ഗള്‍ഫിലാണ്. വീട്ടില്‍ അതിക്രമിച്ചുകയറിയ സംഘം വടിയും കല്ലുകളും ഉപയോഗിച്ച് വീടിന്റെ ജനല്‍ഗ്ലാസുകള്‍ അടിച്ചുതകര്‍ക്കുകയും ബേബിയെ കൊല്ലുമെന്ന് ഭീഷണിപ്പെടുത്തുകയുമായിരുന്നു. ബഹളം കേട്ട് പരിസരവാസികള്‍ എത്തിയതോടെയാണ് സംഘം പിന്തിരിഞ്ഞത്. സംഭവം സംബന്ധിച്ച് ബേബിയുടെ പരാതി പ്രകാരമാണ് പോലീസ് കേസെടുത്തത്.
മകന്‍ അരുണ്‍ ബിജെപിയില്‍ പ്രവര്‍ത്തിക്കുന്നതിലുള്ള വിരോധമാണ് അക്രമത്തിന് കാരണമെന്ന് ബേബിയുടെ പരാതിയില്‍ പറയുന്നു. സംഘര്‍ഷാവസ്ഥ കണക്കിലെടുത്ത് അതിഞ്ഞാലിലും മാണിക്കോത്തും പോലീസ് സുരക്ഷ ഏര്‍പ്പെടുത്തിയിട്ടുണ്ട്.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,
No comments:
Post a Comment